لو سألتنى انت ايه يا بهظ اللى ممكن يضايقك فى الدنيا أكتر حاجه هقولك التعصب و التعميم ... انك تاخد الناس على بعض كده تقول عليهم صفه ما فيكون الصعايده كلهم أغبيا او المسيحين كلم متأمرين على المسلمين.
انا مش قصدى أى إهانه ... بس الموضوع و ما فيه إن من يومين كده واحد صاحبى ورانى فيديو على اليوتيوب عن فرقه راب مصريه و فرقه راب سعوديه ... واحده منهم إسمها وكر العصفور ... و الارجح إنها المصريه .... الاتين نازلين شتيمه فى بعض ... و بصورة يعجز اللسان عن وصفها .... منتهى السفاله و العنصريه و الكراهيه.
الكراهيه بتولد كراهيه و عجله العنصريه لو ابتدت عمرها ما هتقف ... و الشباب الهايفه من الناحيتين مش واخدين بالهم باللى بيجرونوا عليه ... بكم السفاله المنتشر على اليوتيوب و كم الناس اللى عماله تتفرج هيبقى من المستحيل تقبل شاب سعودى و تحس انه اخوك ... و بدل ما تعمل ام حاجه مفيده فى حياتك ... هتضيع وقتك فى أذى للبشريه.
انا أعرف سعوديين زى الفل ... و خليجيين بيحبوا مصر .. بس بدل ما ننمى الحب ده و نستقبل اخوات ... زى الهبل بنربى أعداء من نفس الفصيله المقهوره عالميا ... نفس النوع الغبى اللى بيتكلم لغه واحده و دين واحد و عادات و تقاليد واحده و مفيش بينهم حاجه تربطهم و تبقى اللغه بحر بيفرق بينا بدل ما تبقى جسر نتواصل بيه ... هو ده الغباء بعينه.
أعزائى المدونون .. تضامنوا معى ضد الغباء المصرى السعودى ... تعالوا نقول لأخواتنا أن اللى بيشتموا دول ... مش بيعبروا عن رأينا ... تعالوا نقولهم أن اللى هم بيعملوه مش من مبائنا ... و إلا هنبقى إحنا زيهم ... شايفين الغلط و سامعينه و عارفين انه غلط و مع ذلك قعدنا ساكتبن
نداء الى كل العقلاء من الجانين ... تحابوا تراحموا و تعاونوا ... و إلا أكلتكم السلعوه.
10 comments:
في الحقيقة هوه انا مسمعتش عن وكر العصفور ولا وكر الدبور
بس يعني من وصفك ليهم فدة شيء وحش دة أولا
ثانيا أنا عن نفسي مش بكن لأي حد سعودي او خليجي أي عداوة
كلنا عرب
يعني ابناء عمومه ( صح كدة عمومة)
اموهند
بس انا اسمع من ناس اعرفهم سافروا السعودية كتير ان السعودين بيكرهوا المصريين دة لانهم شايفينهم كلهم حرامية
مش عارفة لية
.......
عامتاً تسلم عالموضوع
و سلمون عليك
تحياتى الى الباهظ بية ..
اللعنة على الغباء و الكراهية و التعصب و التعميم و الثقافة السطحية الاستهلاكية اللى مقصود ان احنا نعيشها سياسات بلادنااصلا سياسات قائمة على التبعية و التبعية ضد كل شئ أصيل ومع كل مزيف لان طالما التابع رضى انة يكون تابع فتالى دماغة لا يمكن توصلة لفضائل النظام اللى هو بيتبعة. ربنا يستر على الاجيال اللى جية اللى ممكن تسألة انت نفسك تطلع اية لما تكبر ؟ يرد عليك "أنا نفسى أطلع جاى"
عزيزي
دايما بقول ان الكراهيه لا تولد الا الكراهيه
وسط كل شعب مجموعه اكيد مابتحبش شعب اخر لكن مش صح اننا نعمم الكراهيه علي كل الشعب
اللي بيشتموا دول مابيعبروش الا عن نفسهم و البيئه اللي جايين منها و كلنا لازم نتصدي للموضوع ده
تحياتي علي اثاره الموضوع الهام
بهظ
التعصب والتعميم للاسف صفة مرتبطة بالبشر بس احنا بنترجمها بشكل شيك ونقول عليها تحيز هى طبعا بتفرق فى حدتها من شخص للتانى يعنى مثلا واحد شيك زى حضرتك هاتقول الاسكندرانية اجدع ناس وممكن تضيف القاهرين دول مش عارف ايه والاقاليم مش عارف ايه ...مع ان الشرقية فيها جدعان اكتر;)
عموما انا عايزة اقول انه مش عيب انى اشوف ان ولاد بلدى احسن ناس بس طبعا من غير مانعيب فى الباقيين يعنى ندخل فى الموضوع شوية شياكة اخلاق يعنى
دى اضافة مش تعارض على فكرة وبضم صوتى لصوتك
لا للتعصب نعم للمحبة
العنصرية دى من أكتر الحاجات الى بكرهها فى حياتى
و لو بصينا فى التاريخ حنلاقى أبشع الكوارث البشرية حصلت بسبب العنصرية
مبدئيا للإيضاح بس
وكر العصفور فريق راب سعودى و هما مجموعة شباب مقيمين فى المدينة المنورة على ما أظن ... و على حد علمى هما مش سعوديين .. هما متجنسين سعودى ..
للمعلومة برضو وكر العصفور هما الى عملوا التراك بتاعهم الاول ... بعدين فى اكتر من تلات تراكات مصرية اتعملت ردا عليهم
طبعا انا ضد كل ده سواء الى عملوه وكر العصفور .. أو الى ردوا بيه المصرييين ... و ضد إن ثقافة الراب الى بيعتمد على السخرية من الآخرين و الشتيمة تدخل العالم العربى .. الولاد دول متأثرين جدا جدا بجو الراب الامريكانى و الشتيمة الى بتحصل على ايقاع منتظم
و بعيدا عن وكر العصفور و الكلام ده كله ... لو أى واحد فينا تابع تعليقات العرب على اليو تيوب ... حيلاقوا كل الناس بتشتم فى بعض
السعودى و المصرى و الخليجى و المغربى و الفلسطينى ... مشفتش فى حيانى ناس بتتفنن فى شتيمة بعضها بالشكل ده
بضم صوتى لصوتك انا بكره وكر العصفور و بكره كل العنصريين المتخلفين ... و بكره التصنيفات .. ده سعودى ده مصرى ده خليجى ... ده أكبر مظاهر التخلف و يا ريت نعمل flag للكليب على يو تيوب عشان يترفع
و شكرا
بص يا أحمد أنا أول مرة أسمع عن قصة المصريين و السعوديين دي بس أنا طول الوقت عندي قناعة اننا كعرب مفيش حاجة بتجمعنا ببعض و لا حتى اللغة فاختلاف اللهجات قاتل و تبقى ببتكلم مع أخوك اللي من المغرب العربي و ولا فاهم منه حاجة و كذلك مع أخوك الشامي و أخوك الخليجي.
و الأدهى بقى ان الغربة و الفرقة بتزيد كل يوم عن يوم. صدقني يا أحمد صعب جداً اننا نتوحد و اننا نكون اخوات بما في هذه الكلمة من معاني و دل بيحزنني و يوجع قلبي لانه للأسف دا معناه اننا عمرنا ما هنتقدم أو نكون قوة مؤثرة.
إذا كنا احنا أصلاً حتى كشعب بلد واحد كمصريين مثلاً بنمارس العنصرية بأبشع صورها و بنقهر بعض يبقى هييجي منين التقدم و الالتئام.
معاك انه لازم احنا نقوم بخطوات في الأول علشان يحصل شئ جديد بس تفتكر هيكون في نتيجة. بس عمومأ أنا معاك لا للكراهية و العنصرية.
أخنك فيروز
السلام عليكم
حضرتك انا شفت تقريبا معظم الفديو الى عاملينوا معظم فرق الراب بس حضرتك زكرت ان وكر الصفور دا مصرى والارجح كمان
بس حضرتك وكل الصفور دا فريق سعودى يعنى ميشرفنيش انى انتق اسمه وهو الى بداء باهانه المصرين وجميع الدول لو حضرتك دخلت على اليوتيوب واكتب اسمه هتوشف السفاله بتعته يعنى مطعلش مصرى
وهتلاقى بردوا معظم الدول فيها شباب بترد عليهم
بس الخلاصه اننا علا بقنا جهلاء للدرجادى يعنى الامه الى وصفها الرسول بالبنيان قى حلها كده
لا حول ولا قوه الا بالله
بسم الله الرحمن الرحيم
((يا أيها الناس اتقوا ربكم الذي خلقكم من نفس واحدة و خلق منها زوجها و بث منهما رجالا كثيرا و نساء و اتقوا الله الذي تساءلون به و الأرحام إن الله كان عليكم رقيبا))
((يا أيها الذين آمنوا اتقوا الله و قولوا قولا سديدا, يصلح لكم أعمالكم و يغفر لكم ذنوبكم و من يطع الله و رسوله فقد فاز فوزا عظيما)) صدق الله العظيم
التباغض العرقي بين الشعوب الإسلاميه
كرم الله أمة محمد صلى الله عليه و سلم و أصطفاها على جميع الأمم السابقه بأنها أخر الأمم , وحدنا على كلمة التوحيد و وحد رسولنا و
لغتنا لنكون أفضل الأمم , أخرجنا من الظلمات إلى النور و طهر أنفسنا من الأحقاد و التباغض العرقي الذي كان منتشرا بين شعوب الأمم السابقه .
و بفضل الإسلام و تعاليمه و مبادئه الساميه و لمئات السنين حقق المسلمون إنجازات عظيمه في الفتوحات الإسلامية و إنجازات عظيمه في الطب
و كافة المجالات التي كان من شأنها أن أرتقت بهم إلى أفضل الدرجات . لقد تحقق لهم ذلك بفضل تكاتفهم على كلمة واحدة هي كلمة
التوحيد و وحدة اللغة و الجنس فلم يكن هناك تفرقة بين الأجناس فالكل يعمل تحت راية الإسلام .
و لكن بمرور الزمن أنبهرت الشعوب المسلمه بالحضارة و أنشغلت بملذات الحياة ضعف الإيمان بقلبها و فرطت باللغة العربية و تأثرت بلغة
مستعمريها , تشتت شملها و ضعفت كلمتها و أنقسمت لأجناس عدة . فبتقسيم الدول المسلمه جغرافيا أصبحت هناك دول و
شعوب مختلفة الأجناس مسلم أسيوى ومسلم أفريقى وأخر أُوروبى ....الخ
و ليت الأمر توقف عند التقسيم الجغرافي بل تعدى إلى التفرقة العنصرية العرقية بين الشعوب المسلمه .
للأسف الشديد و هذا ما دعاني لكتابة هذا الموضوع هو إستسلام الشعوب المسلمه لهذه التفرقة العرقية و التي نجح أعداء الإسلام بزرعها
بيننا كمسلمين موحدين بالله و برسوله الكريم عليه أفضل الصلاة و التسليم .
و مما يؤسف له حقا أن تجد هناك تباغض عرقي بين الشعوب المسلمه و يظهر ذلك جلياً عند زيارتك لأحد الدول المسلمه فما أسوأه من شعور
عندما تُقابل بحذر لأنك ......... و بالإزدراء لأنك ........أو بالسخريه لأنك ....... و بالبنفور لأنك ....... و بالإحتقار لأن جنسيتك كذا و كذا .
و مما يدمي له القلب أن تُعامل معاملة الغريب و تسمع من يلمزك بالقول السيء من ورائك , ترى بعينيك إشارات الحذر من التعامل معك لأنك
من دولة كذا و كذا , ناهيك عما يُعانيه بعض أفراد الشعوب المسلمه من سوء معاملة عند سفرهم للعمل بالدول المسلمه .
و لا يقتصر التباغض و التفرقة العرقية بين الشعوب بعضها البعض و لكنه يمتد ليصل فيما بين أفراد الدولة المسلمه الواحده , فأهل الشمال
يحقُرون من شأن أهل الجنوب و أهل الشرق ينبذون أهل الغرب و كلٌ منهم يعتز بقوميه أو بطوله خاصه و يحقِر من شأن الأخرين .
بالله عليكم أيها الأعضاء الأفاضل من أوصلنا إلى هذا الحال المزري من التفرقه العرقيه في كافة المجالات السياسية الإجتماعية و الإنسانية ؟
لماذا تتباغض الشعوب المسلمه فيما بينها ؟
برأيك من المسؤول عن هذه التفرقة العرقية العنصرية بين الشعوب المسلمه ؟
ما دورك أنت أيها العضو الكريم إزاء هذا التنافر العرقي ؟
ما أسباب التناحر العرقي بين الشعوب المسلمه ؟
هل للحكومات الإسلاميه دور بذلك ؟
لماذا تشعر بعض الشعوب الإسلاميه بالإعتزاز بالنفس و الكبرياء و تحقر من شأن الشعوب الأخرى ؟
لماذا تلجأ بعض الشعوب الإسلاميه إلى إلقاء اللوم على أفراد الشعوب الأخرى و تأخذها بذنب مواقف حكوماتها من القضايا السياسية ؟
هل الشعب مسؤول عن قرارات حكومته و عليه أن يدفع الثمن من سمعته و شعبيته بين الشعوب الأخرى ؟
لماذا تُعمم الشعوب الإسلاميه حكمها على كافة أفراد شعبٍ ما بسبب موقف مخزي معين من أحد أفراد ذلك الشعب؟
أخواني الأعضاء الكرام أتمنى أن تفيدونا بردودكم و بأرائكم بكل صراحة و موضوعية علَها
تساعد على حل هذه المشكلة فقد باتت مشكلتنا جميعا فلا يوجد منا من لا يعاني من التفرقة العرقية العنصرية .
وختامآ حديث الرسول عليه الصلاة والسلام
عن أبي هريرة رضي الله عنه ، قال : قال رسول الله صلي الله عليه وسلم : ( لا تحاسدوا ، ولا تناجشوا ، ولا تباغضوا ، ولا تدابروا ، ولا يبع بعضكم على بيع بعض ، وكونوا عباد الله إخوانا ، المسلم أخو المسلم ، لا يظلمه ولا يخذله ، ولا يكذبه ، ولا يحقره ، التقوى ها هنا ) ويشير صلى الله عليه وسلم إلى صدره ثلاث مرات – ( بحسب امرىء أن يحقر أخاه المسلم ، كل المسلم على المسلم حرام : دمه وماله وعرضه ).
رواه مسلم [ رقم : 2564 ].
والله أعلم
شوف يا بهظ بيه
وكر العصفور ده هو الفريق السعودي إللي بدأ الحرب من غير مبرر منطقي
فقط لأن مشاده كلاميه جرت بين مصري وسعودي علي منتدي من المنتديات
فقرر فريق وكر العصفور أن يهين كل المصريين
وكان الرد من جنودنا البواسل أكثر من مبهر لدرجة أن السعوديين نفسهم أصبحوا يشتموا وكر العصفور في المنتديات لأنهم بدأوا الحرب ولم يستطعوا إيقاف فيضان الردود المصري
أنا بصراحه شايف إن الرد علي وكر العصفور واجب وطني
وهم خلاص إتعلموا الدرس كويس لأن أصلاً الرد عليهم مش صعب
يكفي أن تكتب في اليوتيوب كلمة سعودي وستجد مكتبه كامله من الفيديوهات التي صورها هم لأنفسهم والتي تميتك من الضحك
أنا لا أهين السعوديين بكلامي هذا ولكن هذه هي الحقيقه
اليوتيوب مليء بمقاطع فيديو مهينه للسعوديين وهم الذين صوروها لأنفسهم
fubu
http://www.youtube.com/watch?v=yMbR6Xug3jg&eurl=http://www.3gypt.com/vb/thread26084-60.html
Post a Comment