7 Jun 2008

إنت بتبلبع


فى تعريفات المعجم العربى الفعل بلبع مشتق من المصدر بلع أى أكل و تجشأ و أسم الفاعل منها هو بلبوع و هو الاكل المتجشإ و جمعها بلابيع ... و فى العاميه المصريه السكندريه يرمز للبلبع بأنه بيت الطعام المشوى ... و مرعى الكروش البارزه ... أرض اللذه و التجشأ.

-----------------------

كرشى بياكلنى يا جدعان ... بجد مش قادر ... ماشى بقالى يومين ببالونه قدامى...أصل انا بقالى يومين عمال أبلبع .... و بلبع ده للجاهل اللى ميعرفش أحد أهم معالم الأسكندريه الغذائيه تقترب شهرته من محمد أحمد و جاد و أبو ربيع و دهب و بندق... و يتميز عنهم بالشمول و الشموخ و تقديم مالذ و طاب من المشويات و المحمرات و ما زاد دهنها و سمن لحمها ... المطعم بيقدس اللحمه لدرجه أنه بيقدم الفراخ محشيه كفته ... شفتها دى قبل كده .. فرخه محشيه كفته.

----------------------

نحن نعتقد ان لكل شخص حق اساسي فى متعه التذوق وبالتالي فهو مسئول عن حمايه التراث الغذائى ، وكذا التقاليد والثقافة التي تجعل من هذا السرور ممكن. تقوم حركتنا على مفوم التغذيه الأيكولوجيه، إدراكاً منا بالعلاقه الوشيجه بين الطبق و الكوكب.

الاغذيه البطيئه، جيده و نظيفه و عادله . نحن نؤمن أنه لابد أن يكون للطعام الذى نأكله مذاق جيد، و يجب أن يتم إنتاجه بطرق نظيفه و غير ضارة بالبيئه أو برفاهية الحيوان أو صحتنا نحن و كذلك ينبغى أن يتلقى منتجى الاغذيه أجور عادله من أجل عملهم.

نحن نعتبر أنفسنا مشاركين فى عمليه الأنتاج ، و لسنا فقط مستهلكين ، لأنه بعلمنا لكيفيه إنتاج الغذاء و تشجيعنا له نصبح جزءا و شريكا فى عمليه الانتاج.

(المصدر) مترجم من موقع حركه slow food

--------------------

انا و خالد صاحبى أفتكسنا نموذج إقتصادى للوجبه فى بلبع .... فى قائمه مشتركه يتم تقسيمها على الحضور و قائمه منفصله لكل واحد

القائمه المشتركه تشمل

العنصر

عدد 2 فرد

عدد 3 فرد

السلطات

6

10

المياة

2

4

طبق النشويات*

10

10

الأجمالى

18

24

تكلفه الفرد

9 جنيه

8 جنيه

* طبق النشويات ده هو المحشى بأنواعه و الممبار

و بعد كده يجى مكان الطبق الرئيسى و اللى عاده هو نص فرخه (14 جنيه) أو ربع كباب و كفته (19 جنيه) أو ماشبه من انتركوت أو فيليه أو كفته بس .. كده

يعنى إجمالى اللى ممكن تدفعه فى بلبع حوالى 27 أو 28 جنيه ... يعنى 30 بالتبس .... شوف بقى أنت لو فى ماكدونالدز ممكن تدفع كام.

--------------------

خطتنا الدفاعيه يجب أن تبدأ من الطاوله عن طريق الغذاء البطئ ... لنعيد إكتشاف المذاق الاقليمى و المحلى للطعام و نقاوم التأثير المتزايد للطعام السريع.

باسم الانتاجيه ، تعمل أنماط الحياه السريعه لتغيير حقيقه ما نحن عليه كما أنها تهدد البيئه و المساحه الى نعيش فيها، لذا فالطعام البطئ هو الاجابه التقدميه الوحيده المطروحه على المائده.

و هذا هو المعنى الاصيل للثقافه، تنميه الذوق بدلاً من فرضه ، و أفضل وسيله لهذا هى التبادل الدولى للخبرات و المعرفه و المشاريع.

(المصدر) مترجم و بتصرف من منافستو حركه slow food

-------------------------

ده مش إعلان مدفوع الاجر ... بس السؤال اللى بيطرح نفسه، ليه مفيش للمحلات و البراندات المصريه المعتمده على الثقافه المصريه توكيلات أو فرنشايز يخليها تفتح فى حتت تانيه و بكثرة ... ليه مفيش بلبع فى القاهرة أو فى الصعيد ... البراندات المصريه اللى حاولت تعمل كده .. راحت قلدت البراندات الاجنبيه .. خد عندك مثلا مؤمن و كوك دور .. نموذج من ماكدونالدز و هارديز و كنتاكى و ما شابه... رؤيتى أن البرندات المصريه ممكن تفرقع مش بس محليا .. لا كمان دوليا ... و الموضوع مش بلبع و بس ... عندك محلات العصير زى مكه و القبيصى و خروب كليه الطب... المحلات دى لو بس عملت كود للمواصفات اللى هى شغاله بيها و أبتدت تعمل فرنشايز لأسمها هتاكل شهد ... بلاش شهد .. هتاكل من ورا الموضوع ده طرب

-------------------------

كل بلبع

Eat Balba3

Essen Balba3

Comer Balba3

먹는Balba3

食べるBalba3

manger Balba3

φάει Balba3

بلبع .. كرشى يحبه

أحد إعلانات بلبع إنترناشونال

10 comments:

خمسة فضفضة said...

السلام عليك ورحمة الله وبركاته

هههههههه

كلامك علي فكره صح جدا فيه محلات مصريه كتير ومستواها عالي جدا وممكن تنافس وبقوة محلات الفاست فوود اللي جايه علينا من الغرب وعلي راي المثل مافيش حاجه تيجي من الغرب تسر القلب ( ولا الكرش طبعا ..هههه)

يعني مثلا شوف كنتاكي ولا بيتزا هت ولا ماكدونالز تدخل تكع دم قلبك وتطلع جعان وعاوز تروح تكمل اكل في البيت
وممكن بنص الفلوس دي تفضل تاكل لحد ما تقول كفايه في اي محل مصري جودته عاليه واكله احسن وصحي اكتر


بس الحته دي جامده موت :
يتم إنتاجه بطرق نظيفه و غير ضارة بالبيئه أو برفاهية الحيوان
مش فاهمه يعني هايرفهوا الحيوان ازاي وهو يا ولداه رايح الي مسواه الاخير

:-)

سلام

Bahz Baih said...

خمسه فضفضه
لو لاحظتى الحته اللى أنت جايباها دى متاخده من الويب سايت بتاع حمله سلو فوود ... ده مش تاليفى .. ده كلامهم ... هقولك قصه طريفه حصلت معايا
كنت فى سيوه مع مجموعه من السويد .. و كنا فى رحله حوالين البلد و بعد شويه ركوب على الحمير .. هوب عملوا مظاهرة علشان من حق الحمار أنه يستريح .. انا كنت متعاطف مع الحمار بس مش كده .. المهم لما سالتهم .. انتوا ايه القضايا اللى مهتمين بيها .. لقيتهم مهتمين بقضايا رفاهيه الحيوان ... و الله مش هزار .. بمعنى أنهم بيناضلوا علشان يبقى للجاموسه مساحه تعيش فيها حوالى خمسه متر مربع ... لازم أقولك ان متوسط المساحه اللى بيعيش عليها المصرى هى ربع متر مربع فى بعض المدن زى القاهرة و الاسكندريه
الشاهد أن الناس دى رايقه

Spacetime said...

بجد موضوع الاكل ده بقى مقرف جدا.يعينى علشان تاكل اكل نضيف لا يحتوى على ميكروبات لازم تدفع مبلغ يعتبر كتير بالمقارنة بأكل البيت و بأعتبارى اعزب فأنا اتخنقت من موضوع أكل الشارع . معليش يا باهظ ارفتك معيا بس بجد البلد دى زبالة

Spacetime said...

صحييح :( أنا عايز اخد رأيك فى موضوع بص يا سيدى :
من كام يوم وقع فى ايدى كتاب الكترونى أسمة "معالجة لبن القرية" ايو هو اسمة كدا المهم الكتاب بيشرح المعالجات الحرارية اللى ممكن تتم للبن لعمل منتجات منة بأعتبارة مادة خام متوفرة و اقل استفادة منها هو استعمالها كسائل يحتوى على عنصر غذائى مهم. المهم أنا فكرت أن ممكن الواحد يدرس كورس فى معالجة الالبان و اية المعالجات الحرارية اللى ممكن تتم علية و ازاى ده يتم...تمام بعد كدا أنا بشتغل مهندس اليكترونيات و تحكم الى و اعرف اعمل تحكم لدرجة حرارة سائل تعبئة سائل بكميات متساوية و هكذا .. يبقى المطلوب انى افهم اية المطلوب بالظبط علشان نعمل خط إنتاج زبادى مثلا بشكل اوتوماتيك بإنتاجيةاكبر من الطريقة اليدوية اللى كل الناس بتشتغل بيها اقصد المحلات العادية مش الشركات .
لو تحب تفكر معايا ... انا عايز افكر فى المشروع بشكل منهجى بمعنى انى اعرف نو هاو عن الموضوع و بعد كدا نعمل خط انتاج بسيط و نتتج منتج و نبدأ نسوقة. بس

Spacetime said...

http://www.fao.org/DOCREP/004/T0045E/T0045E01.htm

Bahz Baih said...

عزيزى سباستايم
انا أحب أناقش معاك الموضوع ده .. بس مساحه الكومنتات متنفعش ... ايه رأيك لو تبعتلى أيميل و نتقابل و نتكلم
أوك يا مان
a.youssry@sda-web.org

Sara Swidan said...

جوعتني .. منك لله..

أقوللك إيه؟؟

Spacetime said...

ok ya man :)
invahmed@yahoo.co.uk

L-o-N-e-Ly said...

فكرتنى بايام بلبع و البغدددة يا بهظ
إييييييييه .... فين أيام طبق الماندى من عند بلبع الداون تاون ... و الموزة الضاانى ... كانت أيام و راحت

Anonymous said...

المشكلة بعد كل الكلام دة بلبع بالنسبة لشباب القاهرة متعة الأكل فما ينفعش أروح هناك و ماكبش كل اللي انا عايزه ععمري ما رحت و أكلت بأقل من 80 جنيه