كنت دائما أتجاهل مسببات الاحباط لأجل التمسك بأهداب الامل فى واقع أفضل .. لكن بجد أستفزنى خبر مقتل جندى مصرى تانى على الحدود ... على الأرجح محدش هيتكلم عن الخبر ده فى الجرايد ... المستفز بالنسبالى هو خبر من نوع تانى ... هو أن الولايات المتحده الامريكيه بتطالب الحكومه السعوديه بالافراج عن فؤاد الفرحان ... ياسلام... تحس انهم بيشوهوا اى طلب داخلى جميل بجد للمعارضين .. يعنى دلوقتى اى سعودى على نياته هيقرا الخبر ده و من غير ما يعرف مين فؤاد هيقول ابن كلب عميل ...هو احنا بجد حالنا صعب حتى على الكافر؟؟؟.. حاجه وسخه.
انا مش عارف هو احنا هننزل فى الطين لحد أمتى .. ده حتى موريتانيا الغلابه عندهم أرهاب و الجزاير نازلين تقطيع فى بعض و الكويت أول ماجالهم وزيره تعليم عندها أستراتيجيه ... عملوا عليها أستجواب و شكلها كده هتستقيل زى اللى قبلها .
ده يقودنى الى تساؤل مهم ... هل الديمقراطيه هى فعلا الحل للشعوب العربيه ؟؟؟
أفيدونا أفادكم الله.
4 comments:
يابهظ باين عليك غاوي تضحكني . قالك ديموقراطيه . احنا بهايم غجر حوش من اولنا لي اخرنا و ميمشيش معانا عير كده . افهم بقي . فاكر لما المصرين قضوا علي الحكومه راحوا لمحمد علي قالولوا احكمنا . فعلا عظماء عارفين ان احنا مش هنمشي غير بكده . طب اسال جدك ولا ابوك علي احلي ايام حياته . هيقولك زمان ايام الاحتلال و الزل . فينك يا امريكا . تعالي احتلينا يا بهظ نحن تيران الله في برسيمه و حته بلوج ( لا مؤاخذه لا يودي ولا يجيب ) و الحل اقراه في الكومنت بتاع البوسط اللي فات
معلش يا وليد .. بس أتكلم عن نفسك و ماتقولش أحنا
انت شايف نفسك لمؤاخذه بهيمه و غجرى و حوش ... ده انت لكن مش احنا ... متحطنيش معاك فى التصنيف ده ... اذا انت راضى عن كده براحتك ... بس متجيش تقوللى احنا .. لا مؤاخذه انا مش زيك كده .. و إذا كان فى البلد منك كتير .. فأنا من الناس القليلين التانيين
يا وليد مش مبرر انك اتولدت لقيت حاجه غلط اللى قبليك كانوا بيعملوها انك تعملها .. و على فكره مش زنبك ان جدك و ابوك كانوا بياخدوا فيها و هم ساكتين و لا ذنبى لو ابويا قاللى ايام الاحتلال كانت احلى .. ده براحته لكن مش براحتى
انا اخد فيها بالطريقه اللى تريحنى مش غصب عنى ... فاهمنى اياك
يا بهظ متفقعنيش حتعمل انت ايه و هتنشر الحرية ههههههههههه و بعدين فهمني و ابويا و امي بياخدوا فين و في ايه مش فاهيم
يا بهظ بيه انت عارف والله كلامك فكرنى بكلام واحد صاحبى من سنتين ايام حركة كفاية ووقفة القضاة والعلك اللى كان بيحصل
صاحبى قاللى الحل الوحيد لحالنا كبلد وحال البلاد اللى حوالينا المتشدقين بالديموقراطية المهلبية ان ربنا يبعت علينا قوم يأجوج ومأجوج أو ان امريكا تضربنا بالنووى ونخلص كلنا وبعد 100 سنة ربنا يبعت ناس نضيفة بجد تبنى البلاد دى من اول وجديد على نضافة
كلامك مليان احباط زودنى احباط على الأحباط اللى انا حاسس بيه بقالى اكتر من شهر وبحاول اخبيه
معلش يا بهظ احتمال بكرة تروق وتحلى
Post a Comment