كان فى نكته كده و كنت بحب أقولها بصراحه زمان و لكن النكته دى خلاص مش هقولها تانى ... النكته بتقول ان صعيدى و سعودى كانوا بيتكلموا فالسعودى قال انتوا المصريين بتاكلوا فول على الفطار فول على الغدا فول على العشا .. ايه اللى يفرقكم عن البهايم .. رد الصعيدى البحر الاحمر.
النكته على قد عنصريتها كانت بتبين قد ايه المصريين بيبصوا للسعوديين بدون إدراك للواقع و على انهم شويه بدو جالهم فلوس .. مع انكار مستمر لأى مثقف وسطيهم .. كان دايما الشيخ بن باز هو الممثل الحقيقى للشعب السعودى فى نظر المصريين .. علشان بس تعرفوا قد ايه كان جهلنا
لكن قريب قريت عن مدون سعودى تم اعتقاله ... قولت لما أدخل اتفرج على مدونته ... مصدقتش نفسى ... قد ايه حكمه و جمال ف الاسلوب و تمكن من اللغه ... هو فيه كده فى السعوديه ... مش ممكن ... اول مره اخرج بجد برا نطاق النظرة الضيقه اللى عندى ... حاسس ان انا عربى ... حاسس ان بجد ممكن نعمل وحده عربيه .. بس مستقله بعيد عن الحكام المعفنين اللى عندنا ... وحده فى الهم .. كلنا فى الهم سوا
كان فى نكته مصريه تانيه بتقول ان مبارك هو اللى وحد المصريين على دين واحد ... لأنه كفرهم كلهم ... متهيألى ان الحكام العرب وحدونا على كرههم ... و اللى يضايقك فى مصر هو اللى مضايق اخوك السورى و السعودى و التونسى و المغربى ... طب ليه نسكت و احنا عندنا المدونات ... ليه نسيب فؤاد يتحبس علشان قال رأيه ... رأى حر بجد ... رأى يخليك تحترمه و تقدرة .
من هنا بعلن انا مع الأفراج عن فؤاد أحمد الفرحان ... الرحمه يا حكام السعوديه ده مقالش حاجه غلط ... سيبوا اللى يقول يقول ... ده هيخلينا اقوى و أحكم ... يلا يا مصريين ... من غير مابقى واخد الامور عل جوه .. اتحركوا ... بانارات علشان فؤاد ... شويه هنا و شويه هناك جايز نفوق و يرجع فؤاد للتدوين تانى و نسجل انتصار تانى لصالح المدونين
أقروا بقا ليه فؤاد بيدون و أستمتعوا
اقروا النص ده لفؤاد عن الحريه
ده بقى موقع الحمله لتحرير فؤاد ... بحب اسميها تحرير مش افراج
7 comments:
free fouad group on facebook
http://www.facebook.com/group.php?gid=8297166642
hope it make a difference
روح دافع عن الالاف الي بيتحدفوا ورا الشمس و بعد كده روح حرر السعودين والله العظيم ضحكتني وليد
esper
شكراً على المعلومه
وليد
هتزعلنى منك كده يا حبى... انا مش مستنيك تقوللى ادافع عن مين ... و خليك دايماً فاكر ان اللى ممكن يحرك الحكومه هو هواه اللى ممكن يحرك الحكومه السعوديه .. الضغط الخارجى... ليه تحاول تكسب اعداء و لا ليه تتقاعس عن حاجه ممكن تعملها من غير ما تتعب .. مش احسن بذمتك من القعده فى البيت و هش الدبان و الحموم على اغانى الموبايل ... يا وليد المثل قالك اعمل الخير و ارميه البحر ... لو حد تانى كان قال الكلام ده يا وليد كنت رديت عليه رد تانى ... لأن التعليق ده يا وليد تعليق حد مش بيعمل حاجه فبيقلل من اى حاجه بتتعمل
أصحى يا وليد
مفروض دلوقتي بعد اكومينت ده تشكرني لاني خلاص هاقول الحل لمشكلة مصر اللي هوا ان احما كلنل مع العرب لازم ربنا يبتلينا بحاجة تاخدنا كلنل و تنسف كل حاجة في الدول العربه و ترجع صحراء زي زمان و بعديها نبتدي بدو من ازل و جديد و ميكونش في غير الاسلام من غير شيعه ولا مسيحين ولا من الذي منه و نستفيد بالنيل و اللي يرمي فيه حاجة يتخزوق في مكان عام و هتقولي ممكن نصلح نفسنا و بتاع هقولك بطل تمثيل هنفضل كده للنهاية بعدين احنا بقي نعمل ايه ؟ الحل هو ان العرب كلهم ينكشوا امريكا عشان ترزعنا نووية و يحصل الي احنا عاوزينه و يتبقي انا و انتا و امي و المزه اللي بحبها و نبتدي نعمر الدنيا انا و المزه و انت تكون الحكيم او wise manو امي تفضل معايا عشان بحبها (اوا انا اناني ( اللا قولي يا يهظ و انت مين فيهم ز اللي اشتغل و بقي كسيب وو اللا اللي فاته القطر ههههههههههه مقتبسة من الراجل اللي مش لاقي قهوة نضيفة زز اشرف حمديزز سلاط و مستني رايك لاكن الحل هو اني مفيش حل 000 يا راجل فوق و جمد قلبك شوية و انت داخل الدوش
وليد
boss ya ostaz bahz... ana el nokta di tol 3omry shayfaha sa7...3shan personal experience m3 nas mn henak 3omoman
w enta ama tet3amel m3ahom w teshof ad eh homa mota7'alefeen (mesh kolohom... no offence... bas mo3zamhom)... m3ahom flos w shayfena 7'adameen abohom
3omoman el far7an modawento ra2e3a...
bas still.. mahma 3amalt... I cant stand el so3odeyeen... b3d eli shofto menhom
بقالي كتير مجتش المدونه عندك
بس احب اهنيك على مساندتك لفؤاد الفرحان بغض النظر عن المعاملة السيئه الي بتلقاها اي مصري في بلادهم وبغض النظر عن الاهانات المتتالية ليهم عننا في احاديثهم و تلميحاتهم بس الحرية ملهاش جنسية و لا دين
تحياتي
دي أول زياره ليا في مدونتك وبصراحه مدونه قويه وجاامده وعرفتها من حلقه عز في حريتنا ..
بالنسبه للموضوع ده أحب أوضح حاجه ..
صحيح السعوديين فيهم سلبيات يمكن مجتمعهم المغلق مبيبينهااش لكن رغم كده المجتمع فيه شريحه كبيره جدا ممتازه ومثقفين ومتعلمين كويس جدا وأنا كنت عايشه هناك ومتأكده من كده وبابايا نفسه كان يعرف شخصيات كتيره والله متصدقش فعلا إنهم سعوديين لكن في النهايه ده ميمنعش إن الأغلبيه معاهم فلوس هيا اللى عاملالهم قيمه ..
وبالنسبه لكلام وليد اللى علق قبلي ده كلام حد فعلا يائس ومش عاوز يتحرك وكمان تفتكر احنا لما ندافع عن فؤاد الفرحان بندافع عنه عشان سعودي ولا مصري ولا هندي ولا عشان المبدأ نفسه ؟؟
المباديء ملهاش جنسيه ..
وده اول حاجه بتضيعنا لما بنعمل فصل عنصري بيننا وبين العرب صحيح حكاية القوميه دي فشلت لكن بإيدك إنك تعمل بينك وبين العرب قوميه وتحبهم لانهم في الآخر منك ..
تحياتي لك يا بهظ بيه .. ولمدونتك القويه ؟؟
وأعتذر عن الإطاله وأرجو أن تشرفني بزيارة مدونتي ..
http://ma7laky-yabaladna.blogspot.com/
Post a Comment