9 Dec 2007

بهظ على الهوا

انا سجلت حلقه مع راديو حريتنا على النت عن البلوج و التدوين و الحركات ... مع محمد عز اللى أتعرفت عليه فى منتدى جامعه الدول العربيه للشباب ... و لأنى مسطول بدرجه مستدامه ... فأنا نسيت لحد دلوقتى أحط لينك عن الحلقه و محمد هيقتلنى ... علشان كده أدى لينك الحلقه تحت و الراديو نفسه هتلاقوه فى السايد بار على اليمين أهوه... المهم انا معرفتش غير لما مجموعه من صحابى لقيتهم بيتصلوا بيا و بيقولولى أن الحلقه حلوه و بتاع ... الطريف أن انا أساساً مسمعتش الحلقه علشان كده عايزكم تسمعوها و تقولولى رأيكم يلا سلام

بلوج أون أير مع بهظ بيه

13 comments:

Anonymous said...

ana ba7eb el blog bta3ak awy we ba2rah men zman gedan laken ma3andehs pc badkhol men 3al mobile laken rabena faragha we dakhalt 3al pc aho ana esmy walid 3andy 14 sana we 3ayez a3raf heya de sortak el 7a2e2eya? we 3ayez a2olak 7aga tanya bardo enta postatk olayela awy gedan yaret tekteb keter

Anonymous said...

beasara7a ya bahz radio 7oeyetna da fashel gedan , malosh lazma 3amel zay el shark el awsat beyergho fe kalam fady , ya3ni mesh beywala3o el donya wala 7aga , beyetkalemo fe el sadka we el oghneya el 7elwa , we buffering zebala , 7aga malhash lazma fe3lan
walid bardo

Hypatia said...

bahz
تحياتى ليك على البلوج الرائع

Unknown said...

حتى فى الراديو مشردنى
وحد يقف فى الفاصل يشرب سجاير، انت آيه ما بترحمش
كان ناقص تطلب حجر تفاح وعناب منه
بس اللذيذ انك لذيذ حتى وانت عامل فيها مش لذيذ

dodo said...

بهظ كان حوار جميل جدا وكلامك شدنا نكملة للاخر مع اننا فى شهر "ديسمبر" وانت عارف بأى

انما كان فيه سؤال
هو البحر كان حلو علشان صاحبك متنحله ولا البحر كان متنح لصاحبك علشان حلو؟؟
جاوب بشفافيتك المعتادة

عـسـل مـرمـر said...

ما خلاص اللى على على
بكسر العين
اقصد كسر حرف العين مش كسر عينك لا سمح الله

قـصره .. مش حطول عليك انت مش غريب انا لسه مسمعتش الحلقه بس حبيت اسجل اعجابى الشديد بنسيانك لإنجازاتك البلوجيه .. ماشى .. عرفنا انها ابسط انجازاتك
الله يسهلو

البنت الشلبية said...

انا دخلت عشان اقولك كل سنة وانت طيب وبخير

وان شاء الله نسمع الحوار وننبسط
عيد سعيد

Bahz.Baih said...

كل سنه و انتم طيبين أعزائى القارئين و معاكم بهظ بيه و نرد على المستمعين

وليد
انا سعيد بيك مش متصور أد أيه و أنك مهتم بالبلوج دة حاجه جميله و بالنسبه للصورة فدى صوره واحد انا شفته فى الشارع و عجبنى لكن ده مش انا
و على العموم راديو حريتنا كويس جداً لنه كفايه انه أستضافنى يا جدع و بلاش تخلينى أخبط فى الحلل
ديوقتى أهديلك أغنيه فيروز شادة و متسألش ليه هو كده

نسرين
شكراً بس التعليقات المختصرة دى متنفعش بعد كده ..ز أن ماكنش التعليق صفحتين ... هزعل ... أسمعى بقى العنب العنب ... علشان تفوقى

بدرى و دودو
هبطل السجاير و هاكون بهظ جديد...انا مش عارف أقولكم ايه غير ... الف مبروك و خللى الطابق مستور... و أسمع أغنيع يا دبله الخطوبه

مخطوبه
اللى على ده ساكن فى الدور السابع و قوللى للى باعتك أن انا لسه مستضفونيش فى معرض الكتاب فبلاش نق أبوس رجلك ... أسمعة بقى ظلموه

البنش الشلبيه
أسمك لوحده أغنيه و كل سنه و انت طيبه و نسمع بقى البنت الشلبيه

أعزائى المستمعين كفايه تهييس

Anonymous said...

Enta mate3rafsh ad aih ana etbasat be radak 3laya we ana khlas 3ala tool ha7ot comments hena ya bahz . Ana kont fakrak hatnafad we teraya7 demaghak we yaret te3mel posts kter . We fy 7aga tanya , rewayet 3la 2ad le7afak 3agabetny we fedelt a2ra feha leghayet ma we2fo fy 7eta we makamelosh el rewaya " aih el deal ya bahz " walid again

Anonymous said...

3la fekra 3ed melady kan 4 dec ya3ni ba2a 3andy 15 sana khlas kol sana wenta tayeb . We yaret te7ky 3amalt aih fy el 3ed aked fy 7aga 3ageba 7asalet walid brdo we rod besor3a mesh b3d 3 asabe3 ah we 3gabny post a7a walahy kan 3andy el mood ebn el kalb da alah ye7ra2 el sanaweya el 3ama

Bahz.Baih said...

وليد
نورت يا باشا...البلوج و صاحب البلوج .. و بقولك أيه متعمل بلوج بقى و تورينا الابداعات علشان انا ليا عندك شويه ملاحظات
1- بلاش وحيات أبوك الفرنكوأراب يا مان .. و الله العربى حلو

2- حكايه الرد بسرعهدى صعبه و تحكمها ظروف النت و الفضا لكن فى الطبيعى انا برد علطزل لو قدرت

3- موضوع على قد لحافك معرفش عنه اى تفاصيا غيلا أن الشباب اللى عملوا البلوج أتخانئوا و بطلوا يكتبوا مع بعض و بالتالى أنتهى البلوج

4- أفتح بقى بلوج يا راجل و بلاش الكومنتات الانونيموس

يلا سلام مؤقت

Anonymous said...

يا بهظ اعمل بلوج ازاي دي مش حاجه سهله و عمري ما هاعمل بلوج ري بلوجك بعدين عليا ثانويه عامه و مش بلمس الكمبوتر انا كده علي فودافون لايف و علي فكره جيب اعمل كومينت بنيك نام اللي يو ار ال مش نافع و بتاع بس هاجرب تاني المره دي و ارجو انك متزهقش مني وليد

موقع جوجو الشامل said...

مدونتك ممتازه
بالتوفيق