19 Jun 2007

010 - 011 هل من فارق

أهدانى أحد الأصدقاء خط تصالات هديه.. انا فى الاصل أملك خط فودافون و مع أنى ضد مبدأ الأسراف الأهبل؛ الا إنه لم يسعنى الا أن أقبل الهديه و أضعها فى حقيبه الفنانين التى أملكها

و فى ذات المرات كنت مسافراً و أردت الأتصال بصديق لىّ، و أكتشفت نفاذ رصيدى... قررت تجربه خط أتصالات لأول مره .. كنت أعلم أنهم يوفرون بعض الدقائق المجانيه... وضعت الشريحه و طلبت الرقم... أجابتنى سيده- تدعى أنها رساله مسجله- بأننى قد كسبت بعض الدقائق الاضافيه المجانيه

أكملت مكالمتى و أغلقت الخط و أعدته لمكمنه فى الحقيبه و ركبت خط فودافون مره أخرى، و كالمطر أنهالت علّى المكالمات ، هذا الذى يريد عملا ما أن يتم و تلك التى تبغى رداً فوريا على الرساله الألكترونيه التى أرستها و تلك الأخت الوحيده التى أملكها فى الدنيا و التى تملأ حياتى صداعاً تبغى مرافقتها الى زياره عائليه أخرى سخيفه كالعاده

أقتربت من الجنون ... يالهى لكم أكره تلك الأجهزه اللعينه... وصلت سالماً الى الجهه التى أقصدها و أتممت أعمالى ،و أردت أن اتمم مكالمه هاتفيه أخرى ، ذهبت الى بائع بطاقات الشحن ، و جدت عنده بطاقات أتصالات فقط من فئه العشرين جنيه... هنا ؛ أبتسم الشيطان الراقد فى
أعماقى...هئ هئ هئ

فعلاً قمت بشراء بطاقه شحن أتصالات و شحنت الهاتف و أتممت مكالماتى... و لم أقم بتغيير الشريحه مرة أخرى عن عمد

الحق أقول؛ لقد أعجبنى نظام شركه أتصالات فى أحتساب المكالمات و أردت فعالً التغيير اليه لولا صعوبه أخبار كل الذين أعرفهم بالرقم الجديد لهاتفى، هل أقوم بتجاهل كل هؤلاء و أبدأ حياه أخرى، لو يضعوا خاصيه تتيح لك أرسال رساله قصيره تخبر معارفك بأن هذا هو خطك الجديد... الشاهد أننى قررت ترك هذا الخط بعض الوقت فى هاتفى

أستمر الخط فى هاتفى ثلاثه أيام.. يالها من سعاده ... لا يستطيع كائن ما الوصول اليك، يالهى لكم أكره تلك الأجهزه اللعينه, حتما البشريه كانت أسعد بدون الهواتف المحموله

أحسست بنشاط عقلى و قدرة على التركيز أعلى من ذى قبل،،،يالهى لكم أكرة تلك الأجهزة اللعينه

وأنتهت السكرة و جائت الفكرة... مكالمه غاضبه من أهلى... أين أنت بالله عليك... تباً لك... لقد زلزلت أعصابنا و أستمرئت فكرنا بالخواطر المفزعه...الم تدرك بالله عليك أن جهازك مغلق...يالهى لكم أكره

تقديم أعذار... و لكم أكرة تلك الأجهزه اللعينه... ياللعنه لقد أنتهت أيام الصفاء
و لكن كلا الفته

قرار بهظى: سيكون هاتفى مفتوحاً من الساعه التاسعه صباحاً الى السادسه مساء و على المتضرر ترك رساله...بعد سماع الصفارة...و شكراً

10 comments:

Alexandrian far away said...

طيب يا أستاذ بهظ
بما أننا ما نقدرش نستحمل تهديدك الرهيب ده بأنك تتوقف عن الكتابه أنا بأحط تعليقى أهوه
مبدئيا المحمول حاجه عجيبه ، يعنى مثلا أنا قضيت كل دراستى الجامعيه قبل عصر الموبايل وكانت الحياه ممكنه وممتعه، وحتى بعد التخرج من الجامعه قضيت كام سنه من غيره وكانت الحياه ممكنه وممتعه، أنا عارف أنه في جيل مش متخيل العالم من غير موبايل وأنترنت، لكن أنا عشت العالم ده والحياه كانت ممكنه ورائعه، دلوقتى ما أتخيلش الحياه من غير محمول ، أتنين بالتحديد ولشركتين مختلفتين، الحقيقه أعترف أنى بحس بالمرض لو عطل محمولى أو خلص شحن، الحقيقة أنت شجاع يا عزيزي أنك قفلته، لو عملت أنا كده يا أما أسرتى حتعتقدنى مت فى الغربه يا أما حتحصل مصيبه فى الشغل من غير ما أعرف

حلو التعليق ده؟
راضي كده يا عم؟
حلاوه؟
أشطه؟

Anonymous said...

طب أعلق أقول إيه

كويس
المهم هناك دعوة للقتل شرفنا وهات معاك سكينة حامية

Unknown said...

رغم انى لم ادرك تدوينتك هذه فى موعدها، قد يهيئ للبعض وانت منهم انى أرد خوفا او إشفاقا او تقديرا لتدوينتك الأخيرة بالتوقف عن الكتابة ....
يخش فى بطنك بومة يالا
البوست جميل وانا عارف كويس جدا معنى انك تبقى معزول عن العالم ، والنشاط اللى بيصاحب الاحساس ده
الفرق فى .... ولا بلاش لحسن تزعل

Anonymous said...

انا قريت البوست قبل كده ومعلقتش عشان محستش انى حضيف حاجه وكتبت دلوقتى عشان اقولك يا بهظوظ ان الكومنت ده فاضى احنا مش بنيجى بالتهديد يا استاذ.

انا ادون هنا said...

يا استاذ بهظ مش معني ان ماحدش
عمل كومنت ان الموضوع مش جامد
بالعكس والله انت حتي اوحيت لي بفكره
شيطانيه موت هي هي هي هي

انا كنت متردده من موضوع اتصالات ده
بس انا اخدت قرار خلاص بس تيجي الفلوس
الاول.....اوعي تبطل يا استاذ بهظ

شفت التهديد بيعنل ايه في البشر

عـسـل مـرمـر said...

اود أن اتوجه بالتحيه و الشكر و الملوخيه..
الممزوجه بقليل من الدقائق الهديه ..
و المخفوقه مع الرسائل الصوتيه ..
التى تصاحبها صوت رقيق لمزه قويه ..

و لى سؤال يحيرنى (متنساش التشكيل و انت بتقرا) و خجلى يتحايل على قدرى .. و حرب (بالتنوين) نشبت فى أعماق مشاعيرى الدقيقه ..
الرقيقه ..
اريد الحقيقه

هلى هذا إعلان مدفوع الأجر من الشركة المزعومة اتصالات ؟

بيننا موبايلات بأه

me said...

باشا انا عايزك
ياريت تضفنى او تكلمنى
ahm_yosry@yahoo.com

010094843
متقلقش خير مفيش حاجه
خالص
دى حاجه ظريفه كده

Anonymous said...

ههههههههه لاتعليق ايجز ادوك كام اتصالات عشان تعمل الاعلان ده

lol EggSSSSSSSSS

Anonymous said...

حاجة بسيطة جداً
تروح لأي فرع معتمد لإتصالات وتطلب منه تحول خطك لهم, وبكدة يبقى خطك اتصالات لكن الرقم 010

زي بالظبط ما حصل معايا مع خطي موبينيل 012 لما طهقت من موبينيل حولت لاتصالات وشغال 012 اتصالات وتمام التمام وعنب كمان

Anonymous said...

العملية سهلا جدا والله انا اخوكو كرب ممكن تعمل اية فى الخط ال010 هتتبع الخطواط دية بس ما تنساش تدعيلى **21*777# وبعد كدة اتصل بنفسك حتى من رقمك هتبلغك ان التليفون مقفول و هيبعتولك رسالة بالرقم اللى اتصل بيك على فكرة الخصية دى شغالة فى اتصالات كمان بس بدل ال777 تكتب778 و اى خدمة يا باشا