21 Jan 2007

و لكنكم تحرقون أغصان الزيتون

علمناهم الشحاته سبقونا على الأبواب... هو ده شعار المرحله يا بيبو... بيب يا أصدقائى كائن صديقى, عزيزى ساكن معايا فى نفس الشقه, و الكنبه جنب المرتبه, أمنته على حياتى ... عرفته سكه البلوجات و أول ما فتح بلوج كتب عن الطريقه اللى بستحمى بيها
بص يا بيبو انا مش هتكلم عن الكلام اللى أنت بتقوله و أنت نايم ... أبداً ... مش هقول عن الفيل أبو عين قزاز اللى أنت بتحلم بيه, و لا الجنيُه اللى ماسكه صباع رجلك و عماله تزغزغك, و لا هتكلم عن تفاصيل صرفك للعشرين جنيه اللى أنت مستلفها منًى ...لا أبداً و الله انا برضو هحافظ على العيش و البسبوسه
لكن انا هتكلم عن بيبو كشخص عرفته ... بصوا هو بيتكلم كده بتقطيع زى ما يكون بيقول شعر

مش حلو
بس جميل
زى لون الفراوله الطازه
على خدود البهلوان
و كمان
فى شفايف بنت برستيتيوت فى العشرين
يا عطارين


بيبو و الله شخص جميل , بس شبقى. كل حاجه ليها مدلول جنسى عنده, تقولش فرويد.. بصراحه كل ماتيجى سيره الجنس و لا كلام عن البنات


الاقيه بهلوان
بيتكلم كما النسوان
من الحبه قبه و التفصيله فستان
ستان
ولا كأن على المرتبه الأورنج...حيوان

بس بيبو و الله أنسان محترم بيحب يدى كل واحد حقة و لا ياكلش حق حد... بيكره السرقه و النصب زى عنيه... علشان كده كان مستخسر فى بتاع الوصله 50 علشان هو فى الأصل حرامى بيبعلنا حاجه مش بتاعته أصلاً
يلا ما علينا يا بيبو, الى اللقاء فى الحلقه القادمه... هنتكلم فيها عن صفات بيبو الكويسه بجد








الحلقه القادمه


لسه بدور على حاجه حلوه
ملحوظه الموضوع مش شخصى

10 comments:

Unknown said...

فى ليلة أقل جمالا من هذه سيأتى إلينا بيبو بصفاته الحسنة،قولو يارب.
المشكلة إن السهم بهظى أحييك.

Anonymous said...

حلو اوى التسييح ده
(استرها على عبيدك يارب)
............
..........
.......
....
..
.

جبهة التهييس الشعبية said...

ههههههههههههههههههههههههههههههههههههههههههههههههههههههه

ايه المدونة التربنتينة دي

ههههههههههههههههههههه

انا ح اخدها عندي بعد اذنك

karakib said...

بيبو .. أنا أعرفه علي فكره

همس الليل said...

هههههههههه دا ايه التفضيح دا كلو هههههه
اعتقد ان كل الناس دلوقتى بقا تفكيرها شبقى اكثر من الازم ممكن وانت ماشى تفصل كل شىء تحت الهدوم من اللى عملتو فينا الشو تايم والسوبر موفى والحجات دى

وبعدين اى حد ميدفعش لبتاع الوصله اى فلوس معاه حق والله يحرق بتوع الوصله اللى بيقطعو النت
اهو دول بئا عايزين فاصل من التسييح والتفضيح بجد

abdallah ahmed , عبدالله احمد said...

بلوج رائع

Anonymous said...

بجد مفهمتش الموضوع بيتكلم عن ايه انتا ولا حد تاني سوري اول مره احس اني غبي ولا انتا بتتكلم عن التحرش الجنسي ولا عن المواطن اللي بقي كده عموما ياريت تحدد وبالنسبه للمدونه بتعتك جميله بس ياخساره لقيت حد اسمه البهظ ..لاني في مدونتي الجديده بستشهد بكلام البهظ كتير وكان نفسي البهظ يفضل البهظ اللي انا اعرفه السيكوباتي وعلي فكره انا احبز ان اسمك يبقي مزاجانجي عشان البهظ كان جاهل لدرجه انه ذي صحبك اللي ماسك البلد وطبعا هياخد طن الحشيش رغم انف مزجانجي المفروض اللي هوا انتا وكل الشعب برضه مزجانجي
ياريت نوزرني في مدونتي وتضييف تعليه اخوك الكرف وبلاش شغل النغبشه بالفرفشه
http://www.spoony31.blogspot.com/
spoony31_31@hotmail.com

LAMIA MAHMOUD said...

سؤال معلش .. سؤال بيطرح نفسه وبشدة
هو بيبو قرا الكلام ده:)

Bahz.Baih said...

بدرى
أنت عارف الرد

دودو
أمين

جبهه التهييس االشعبيه
طبعاً يا فندم أتفضلى

كراكيب
و أيه يعنى مانا أعرف عمرو دياب

همس الليل
بصى يا ستى لو لغينا الشو تايم و الخ الناس هتبقى أكتر شبقيه .. ده مالوش علاقه صدقينى الغريز موجود فى البنى أدم بس اللى يسيطر عليا بس بيبو بيعرف يعبر عن الاحساس بالكلام بحرفيه تحركى كل خليه فى جسمك و تخليكى تقشعرى من غير ما يلمسك ... انا اذا كان عليا لو حاول يلمسنى هقطعلو ايده

عبد الل احمد
شــــــــــــــكراً

سبونى
أضن ان انا رديت عليك فى الايميل و مالوش لزمه السياح

لمياء
انت أظاهر كترفيش بظ بيه اللى ام مميزاته الشجاعه الادبيه... طبعا بيبو عارف و انا وريته البوست قبل ما انزله من باب العلم بالشئ و هو بيحضر لى حاجه فى مدونته الكنبه الحمرا

بلال حســــنى said...

بهظ
انها الحرب