أنهارده ليا مزاج أتكلم عن العلاقات, هو فية نموذجين للعلاقات نموذج الجواز و نموذج المرافقة, طبعاً أنت لو منفض دماغك من الدين ... خلاص مالكش فى اللى انا كاتبه , بس ممكن تكمل ... جايز توصل معايا لحل وسط أما لو أنت ليك فى الدين ... تعلالى بقى يا حلو ... أنت بقى قرد و لا جاموسة ( التعريفات مشروحه فى البوست اللى فات) ماهو أنت لو جاموسة فماعندكش مشكلة , هتصبر لغاية لما تتخرج و تشتغل و تخللى أهلك يدورولك على بنت الحلال و تتجوزها, و لغاية لما تعمل كده فمايمنعش أنك تعيش فى أزدواجية و تصاحب و تقضيها فى السكرته, أما بقى لو سعادتك قرد زى حلاتى و ليك فى الدين , هتسأل نفسك ياترى تتجوز و لا ترافق
أبقى اعرف واحده و حبها الأول يا منيل
و لا تاخد فى بالك ده صوت كريم فى دماغى , المهم أنت لو عايز ترافق يبقى هتخسر دينك أما لو هتتجوز فهتخسر كينونتك كقرد, لأنك بكل بساطه هتستك فى مجتمع مش عايزك تبقى قرد و أنت متجوز و هيقولولك ( انت عندك مسئوليه و لازم تشتغل علشان تصرف على البيت ) و بكده هتلاقى نفسك بتتحول واحده واحده الى جاموسة و بتتحول من كونك فنان مثلاً الى صنايعى جرافيكس و تبقى من الشغل للبيت و من البيت للشغل و أحياناً تروح التجارية تشرب شويه شاى
طب حد يقوللى المدام اللى أنت هاتتجوزتها دى أيه ...كيس جوافه لازم تتشال كمسئوليه شويه من أبوها و شويه من جوزها ... امال فين بقى المساواه ... و حقوق المرأه ... و الله اللى انا أعرفه أن كل حق يقابله مسئوليه ... و على فكره انا مش بكتب ده علشان أهرب من المسئوليه بس أصل العمليه بقت صعبه قوى على الشباب و بقوا بيصرخوا منها و لو مش مصدقنى روح هنا
فى أصل الدين كان الشاب بيبقى جاهز للجواز و هو عنده 16 سنه يعنى على سن 13 بيبقى أتعلم حداده ولا تجاره و لا رعىّ غنم و شغال و زى الفل, و بيتجوز ببلحه أو بسوره من القرأن و لو أهلها راضيين عن دينه يبقى قشطه يلا بينا جواز , لكن دلوقتى بيبقى قادر يشتغل على سن 22 و يمكن أكتر لو فى طب مثلا و حلنى بقى لما يبقى قادر على الجواز بتقاليدنا و أعرافنا الحاليه
أما فى المجتمع الغربى فالواد على سن 18 بيبقى مصاحب و البت من سن 16 تقدر تمارس الجنس بحريه تامه و ممكن ينقلوا لبيت تانى و يعيشوا مع بعض كأنهم متجوزين يشتركوا فى الأيجار و الفواتير و لما ربنا يكرمهم يبقوا يجيبوا عيال و عمليه الجواز, ده يوم ظريف بيقضوه لا بيأخر و لا بيقدم فى الواقع شئ
مش معنى كده أنهم عايشين فى نعيم لأن الحرية الجنسيه المطلقه اللى فى الغرب دى أدت لكوارث تانيه مجتمعيه مش مجالنا هنا اننا نتكلم عليها انا بس كنت عايز أخد مثال معتدل عندهم , اللى بيصاحب واحده و يفضل معاها لفتره طويله كأنهم متجوزين لأن هو ده المقابل للجواز فى الدين عندنا من غير تعقيدات مجتمعنا
فمجتمعنا للأسف مش عارف يوفق بين النظامين واللى بيطحن فى النص الشباب و البنات و تلاقيهم بيصرخوا الرحمه و الناس تبصلهم من فوق لتحت كأن المطلوب من كل شاب أنه يكبت غريزه ربنا خلقه بيها و بعد كده يستغربوا لما يلاقوهم عايشين على الأفلام و الصابون
طب فيها أيه غلط لو أن انا مثالاً بدل مانا عايش مع بلال, أعيش مع فراوله و قشطه أكمل دراستى كأننا فى العرف الغربى متصاحبين بس فى عرفنا العربى متجوزين و أهلها و أهلى عارفين و يبقى مصدر رزقى هو مصدر رزقى العادى و هى كذلك يعنى شغل صغنن أو مصروف أبويا و أدينا عايشين و لو انا عايش مع أهلى ماتيجى هى كمان تعيش معايا و البيت اللى بيأكل تلاته يأكل أربعه و شويه و ننفصل عن الأهل لما ربنا يجبرنا بشغل و مش لازم حكاية حفله الجواز الخمس نجوم و مالها الجنينه الصبح دى حتى شكل الحفله أجمل كفايه بقى حرمان ده الحرمان وحش ياجدعان ... مش كده و لا أيه
أبقى اعرف واحده و حبها الأول يا منيل
و لا تاخد فى بالك ده صوت كريم فى دماغى , المهم أنت لو عايز ترافق يبقى هتخسر دينك أما لو هتتجوز فهتخسر كينونتك كقرد, لأنك بكل بساطه هتستك فى مجتمع مش عايزك تبقى قرد و أنت متجوز و هيقولولك ( انت عندك مسئوليه و لازم تشتغل علشان تصرف على البيت ) و بكده هتلاقى نفسك بتتحول واحده واحده الى جاموسة و بتتحول من كونك فنان مثلاً الى صنايعى جرافيكس و تبقى من الشغل للبيت و من البيت للشغل و أحياناً تروح التجارية تشرب شويه شاى
طب حد يقوللى المدام اللى أنت هاتتجوزتها دى أيه ...كيس جوافه لازم تتشال كمسئوليه شويه من أبوها و شويه من جوزها ... امال فين بقى المساواه ... و حقوق المرأه ... و الله اللى انا أعرفه أن كل حق يقابله مسئوليه ... و على فكره انا مش بكتب ده علشان أهرب من المسئوليه بس أصل العمليه بقت صعبه قوى على الشباب و بقوا بيصرخوا منها و لو مش مصدقنى روح هنا
فى أصل الدين كان الشاب بيبقى جاهز للجواز و هو عنده 16 سنه يعنى على سن 13 بيبقى أتعلم حداده ولا تجاره و لا رعىّ غنم و شغال و زى الفل, و بيتجوز ببلحه أو بسوره من القرأن و لو أهلها راضيين عن دينه يبقى قشطه يلا بينا جواز , لكن دلوقتى بيبقى قادر يشتغل على سن 22 و يمكن أكتر لو فى طب مثلا و حلنى بقى لما يبقى قادر على الجواز بتقاليدنا و أعرافنا الحاليه
أما فى المجتمع الغربى فالواد على سن 18 بيبقى مصاحب و البت من سن 16 تقدر تمارس الجنس بحريه تامه و ممكن ينقلوا لبيت تانى و يعيشوا مع بعض كأنهم متجوزين يشتركوا فى الأيجار و الفواتير و لما ربنا يكرمهم يبقوا يجيبوا عيال و عمليه الجواز, ده يوم ظريف بيقضوه لا بيأخر و لا بيقدم فى الواقع شئ
مش معنى كده أنهم عايشين فى نعيم لأن الحرية الجنسيه المطلقه اللى فى الغرب دى أدت لكوارث تانيه مجتمعيه مش مجالنا هنا اننا نتكلم عليها انا بس كنت عايز أخد مثال معتدل عندهم , اللى بيصاحب واحده و يفضل معاها لفتره طويله كأنهم متجوزين لأن هو ده المقابل للجواز فى الدين عندنا من غير تعقيدات مجتمعنا
فمجتمعنا للأسف مش عارف يوفق بين النظامين واللى بيطحن فى النص الشباب و البنات و تلاقيهم بيصرخوا الرحمه و الناس تبصلهم من فوق لتحت كأن المطلوب من كل شاب أنه يكبت غريزه ربنا خلقه بيها و بعد كده يستغربوا لما يلاقوهم عايشين على الأفلام و الصابون
طب فيها أيه غلط لو أن انا مثالاً بدل مانا عايش مع بلال, أعيش مع فراوله و قشطه أكمل دراستى كأننا فى العرف الغربى متصاحبين بس فى عرفنا العربى متجوزين و أهلها و أهلى عارفين و يبقى مصدر رزقى هو مصدر رزقى العادى و هى كذلك يعنى شغل صغنن أو مصروف أبويا و أدينا عايشين و لو انا عايش مع أهلى ماتيجى هى كمان تعيش معايا و البيت اللى بيأكل تلاته يأكل أربعه و شويه و ننفصل عن الأهل لما ربنا يجبرنا بشغل و مش لازم حكاية حفله الجواز الخمس نجوم و مالها الجنينه الصبح دى حتى شكل الحفله أجمل كفايه بقى حرمان ده الحرمان وحش ياجدعان ... مش كده و لا أيه
14 comments:
مش عارفة انت مكبر الموضوع كدا لية انت لو بتحب انسانة وفعلا هيا بتحبك هتستناك وهترضى تعيش معاك كقرد برغم ان دا مش هيحققلها السعادة اللى بتتمناها بس سعادتها هتكون فى حبك وجمبك
يعنى فى الحالة دى تعتبر البنت متحملة مسئولية اختيارها بعدين مبقاش فى بنت دلوقتى مش بتشتغل او مش بتعول نفسها تقريبا حتى بعد الجواز بتشتغل بردو
...........
وافتكر فكرة الجنس الحر او العلاقات اللى فيها مشاركة حتى فى الجنس هيا علاقات اريح واحسن بس للاسف الدين مش بيبحها فاحنا مضطرين اننا نمشى على حسب الدين عشان منخسرش دنيتنا وكمان اخرتنا
...............
محدش دلوقتى مش بيفكر انو يعيش حر حتى البنات انا بتمنى اسافر ويكون ليا انشان كصديق مش اكتر نتشارك ونعيش ومش لازم عشان انا برتحلو يكون جوزى طبعا هيا فكرة مجنونة بس امنية
لازم نحلم والا نموت
يا عيون القطه
اولا الموضوع كبير مش مستنى انى انا أكبره و هقولك ليه... علشان الأزدواجيه اللى أحنا عايشيين فيها بمعنى أنتى بتقوللى العلاقات الحره أريح و أحسن بس أنت مش عايزاها علشان ما تخسريش دينك و أخرتك طب هو الدين فرض ده ليه أكيد مش غلاسه أكيد فى حكمه أو غلطه فى تطبيق المعادله وهو ده هدفى أنى أحاول أوصل للمعادله .. أصل انا مابحبش الحال المايل يعنى يا نفتحها على البحرى و ساعتها فكك بقى من الدين و خليكى حره و الريدى فى كتيير أختاروا ده الحل التانى أننا نشوف أصل الدين بيقول أيه نشوف اللى يناسب مجتمعنا
انا مش طالب أكتر من شويه تفتيح دماغ من الناس و مش من الشيوخ عارفه ليه لأن الدين مالوش صاحب غير النبى و مالوش وصى لأن فكره صكوك الغفران مش موجوده عندنا بس المطلوب أننا نفكر بما فينا لاشيوخ زيهم زينا
تانى حاجه فى الأساس ليه الغرب هجر فكره الجواز ... لأنه عندهم أبدى يعنى مافيش فيه رجعه لكن الأسلام عملك حاجه أسمها طلاق و كان سهل جداً عندنا بس أحنا اللى حولنا المطلقه الى عاهره مع أن النبى أتتجوز مطلقه زيد بن حارثه اللى كان أبنه بالتبنى قبل كده
و ليه بقى الموضوع كبير لأنه بيسبب للبنات و الولاد عمليه كبت و حرمان بتخليهم يهدروا طاقتهم على حاجات مالهاش لزمه بدل ما يستغلوها فى حاجه تنفعهم
انا نفسى أعيش حر بس حريتى بتنتهى عند أنوف الأخرين يا قطه:)
خلاص احنا دخلنا حلقة مفرغة الدنيا كلها بحريتها وكبتها ..بقسوتها وضعفها كل الحياة بقت ديقة اوى تقريبا مبقاش فى لزوم لاى علاقات اجتماعية
يمكن نظرتى دلوقتى سوداوية شوية بس مبقاش فى جدوى من التفكير الحياة بقت بتدفعنا ورا بعض مش بنفكر احنا بنتزق على واقع يا نعيشو يا نعيشو بردو
بلاش نفكر فى الزمن دا احسن وربنا يلطف بينا كلنا
عزيزتى كات أيز
و الله أنت كده بتجرينى لمنطقه كنت عايز أتكلم عليها البوست اللى جاى لكن المهم هنا هو أيه بقى وظيفه القرد فى المجتمع ... القرد هو اللى بيغير هو اللى عنده حلم و تصور ببكرة أجمل و من غير يأس بيحاول يواجه ظروفه و يحل مشاكله و مشاكل مجتمعه ... فى ناس كده ربنا خلقها علشان تحاول تصلح رغم كل البلاوى الا أنهم برضه بيحاولوا ... قوللى كده أيه اللى بيخللى شباب من أجل التغيير بيحاولوا يصلحوا بعيدا عن الجدوى ليه ما يكبروا دماغهم لكن ما ينفعش و الا هننتهى زى ما قال جيفارا فى بوست لون حائل تراه من أعلى نقطه فى العالم .. بصى أنت كده هتجيبيلى التريقه و المزاوله فكفايه كده و أتقللى معايا لحد البوست اللى جاى
ممكن نبرمج نفسنا على انو ابتلاء... و على أد الصبر بيكون الأجر... الصبر على عواطفنا و فسيولوجيتنا اللي مرمطها الزمن... التزام مش لحاجه غير خوفا من ربنا.. الواحد عشان يوصل لترقية في شغله بيعمل قرد للمدير بتاعه ... أنا حسبتها لقيت ولله المثل الأعلى ان الوضع مشابه... مابالنا بأه برب الكون... مش مجرد مدير على شركة مثلا.. يبقى أولى بينا ايه....؟
أنا واحد زيي زي كتير ... تعبت ذهنيا من التفكير اللانهائي في موضعنا ده... و معاك في كتير من اللي قلته
enta btfkrne b film el gwaz 3la eltare2a el7adesa..shof kan sanat kam?!!w so3ad 7osni w 7san yusif 3andhom nafs el moshkela..ma2sah e3'reqyya fe3lan..fe do2 kaman elle 7asal fe west elbalad..el7al dah kowes bgad..3aiz yetnsher wel nas tahtam beh wel e3lam el3'abe dah yshof 7al..
ايوه كده يا عم بهظ عايزين نشاط على البلوج،عارف انك كنت مشغول بس متبخلش علينا ببوستاتك.موضوع المستقبل ده موضوع مهم اكيد بس انت معتقدش انك حتقبل تعيش قرد او جاموسه او حتى ليوبارد لانك حتعيش بهظ وحتموت بهظ،وانت من نفسك لو حسيت انك مش مفيد او بقيت بق زى ما بتقول اعتقد انك حتعتزل الناس وحطلع مسدسك ورصاصه واحده كفايه.يا بنى انت من الناس اللى لو معملوش حاجه مفيده وجديده وفيها تحدى ممكن يتجن.انت ممكن بكره تبقى واحد من اهم الناس فى مجال الانشطه والمؤسسات الخيريه,ومتنشاش د / عادل ابو زهره(رغم اختلاف الناس او اتفاقها عليه) بس انت اكيد حتكون بس انت لازم تخلص ال.........(انت عارف النقط ده عشان السياح)
اما الموضوع التانى بتاع الحريه بمعناها الشامل والجنسى خصوصا.اعتقد ان احنا كتب علينا الازدواجيه فى هذا الموضوع حتى الزواج.الدين بيقول حرام يبقى حرام.بس انت ممكن تعيش نفسك زى ما معظم الشباب بيعمل عيش يا معلم.واعتقد انه مش من قله البنات يعنى.بس برضه فى حدود المعقول يا باشا.انا شخصيا نفسى اعيش فى شقه لوحدى او اتقاسم فى شقه مع اصحابى ،اتنفس الحريه بجد.بس نعمل ايه بقى.العيله والمجتمع والناس حيقولوا ايه الواد ساب بيت ابوه ليه.يعنى الازدواجيه برضه.فالحل اننا نخطف ايام من عمرنا نخرج فيها ونبات بره حتى ان Fayplus82يقضى الله امرا كان مفعولاً.سلام يا صاحبى
bahz
ana nset aktb esmy
elcomment elly fat
fayplus82
انا مش عارفة ايه الفرق بين النموذجين (الا اذا كانت المشكلة الوحيدة هى الدين)فالاتنين فى الأول و الاخر نوع من انواع الالتزام تجاه شخص محدد و على ما أظن المشكلة الأساسية هى عدم قدرتنا على الالتزام مش شكل العلاقة..
يالا و كل واحد ينام على الجنب اللى يريحوا
رأيي من رأي "يا دي النيلة" و مش شايف فرق جوهري بين النظامين.
لأن في النموذج الغربي بيكون معلوم للناس أن الاتنين دول عايشين كزوج، مسؤلين عن بعض و متكافلين، و لما حد بيقصر في حق التاني بيعتبر غلطان في عرف المجتمع و بيتعرض للضغوط "التقويمية" ال أنت عارفها. يعني هو زواج في جوهره.
شرط الزواج في الإسلام هو الإشهار، مش ورقة، لا ورقة المأذون و لا ورقة العرفي.
الفرق هو:
أن منظومتنا القانونية لا تعترف بالنوع دا من العلاقة لما يحصل خلاف قانوني بين الطرفين. و دا قصور قانوني.
و القصور القانوني دا نابع من قصور مجتمعي. المجتمع يرفض النوع دا من العلاقة و بيساويه بالإنحلال؛ مع أنه حل لحاجات كتير، و ممكن تلافي عيوبه بالتشريع. و علشان كدا ثار الجدل ال عنوانه "زواج فرند". بالذمة هو اتنين عايشين مع بعض قدام الناس و مسؤولين من بعض زيه زي بيت دعارة!
جزء من القصور المجتمعي دا (و هنا تبتدي الخناقة إياها) هو أن المجتمع شايف أن البنت هينضحك عليها و مش بيعترف بقدرتها على الاختيار و تحمل نتيجة الاختيار دا زي الراجل. و علشان كدا أنت بتستأذن أبو البنت أنك تتجوزها و هو بيعملك انترفيو و لما يكتشف أنك قرد بيطلع صوت الجاموسة و يرميك برة البيت.
دا رأيي و ما عنديش مانع اتحاور فيه.
يمكن ماكومنش كداب لو قلت أن التعليقات المره دى عندى هى أثراهم على الأطلاق و الشكر ليكم
بصوا أولا شكرا يا أحمد يا عصمت بجد أخجلتم تواضعنا
وئام
أعتقد أن مهمتنا أننا نقنع الأخرين بمدى جدوى مثل هذه الحلول
مورو
بص الفرق الرهيب اللى أنت مش واخد بالك منٌه أن التعامل نع ربنا ة نع المدير بيفرق فى حاجه مهمه .. أن انا لو مش عجبانى حاجه بيعملها مديرى بكل بساطه يأما أتدخل و أصلحها أو أستقيل لكن مع ربنا الأحتملات دى مس موجوده علشان كده أى قصور فى تبرير الدين و أوامره انا هارجعها لتطبيق المجتمع, ماهو برضه انا مش هضحك على نفسى و أقول أن الدين الأسلامى أحسن الأديان و أجى بعد كده ماعرفش أبرر أهم التزاماته, لكن الحقيقه أن فى فرق كبير على مستوى الفكره النظريه و الواقع العملى المجتمعى , ربنا مش خالقنا علشان يعذبنا فى الدنيا هو قالك أصبر على الأبتلاء اللى هو خارج أرادتك لكن اللى فى وسغك تغييره و متغيروش يبقى أنت لموأخذه و جزء كبير للأسف من الطرح الأسلامى لمشاكل المجتمع بيقوم على الأستسلام و ده لعيب فى رجال الدين مش فى الدين
الف و يادى النيله
بجد تعليقاتكم أنتم اللتنين أسعدتنى جداً... بس أنا بختلف معاك يا ألف فى حته صغيره النظامين مش زى بعض فى الحته القانونيه أزاى عندهم لما تفشل العلاقه مش بيبقى أنفصال سهل لا محاكم و قضايا و نص تركه الرجل و ده بيخليهم يتجهوا للعلاقه بدون شروط لكن ده برضه فاتح الباب لكتير من العلاقات القايمه على مبدأ ليله واحده و مش لازم أعرف أسمك
طبعاً منظومتنا القانونيه الحاليه مافيهاش حاجه عدله نتكلم من خلالها بس خلينا نقول كده أن فى حد من الألتزام المطلوب فى العلاقه أمام الأهل لتجنب عملية السداح مداح و ما يترتب عليها... بس المشكله فى الأهل و القصور المجتمعى اللى انا متفق معاك فيه تماما
بجد المفروض الاهالى يدوا بناتهم حريه الأختيار و مسئولية الأختيار و خلاص هم مالهم هى مش كبرت
انا مش عارف بالضبط بس حابب أكمل معاكم الحوار
علاقة الليلة الواحدة خارج الموضوع دا تماما، سواء عنجنا أو *عندهم*
لأنها مش بيترتب عليها أوضاع قانونية، و هي في الغالب سرية (حتى عندهم) و مش كل الناس بتعتبرها عادي زي ما بيبانلنا في الأفلام. و ممكن تأدي لعلاقة طويلة، أو لا.
باختصار، كل ملابساتها زي عندنا بالضبط. ما عدا أن البنت نصيبها من العار مش أكثر من الراجل بمراحل زي ما هو عندنا، لأنهم هناك زي بعض.
حكاية الحلول القانونية عند انتهاء العلاقات الطويلة، مش عارف بالضبط، لكن أظن في مجتمعات نظمها اتطورت بحيث أنها تاخد بالشواهد ال بتؤدي إلى أن الاتنين دول كانوا "عايشين عيشة الأزواج" و ترتب الحقوق القانونية على أساس دا، بالشهود و الفواتير و إيجار البيت و المعاملات المالية و ما شابه. يعني الشكل القديم للزواج (تسأل الناس).
مش في دماغي أمثلة من تشريعات و لا قضايا محددة في محاكم لأني قاعد زيك هنا في الجنينة :)
لكن ممكن حد يقول لنا إن كان دا حاصل أو لأ، و خصوصا ال عايشين بره.
الف
يعنى ان كنت الأول بقول أن لازم الورقه بس لقيت أنهنا فعلا مش لازم و أعتقد أن انا متفق معاك فى كل اللى قولته و الدور دلوقتى بقى علينا ... نعمل أيه
عزيزى بهظ بك,,
انا متفق معاك جدا فى كل كلمة قولتها.. انا كنت هكتب بوست تحت عنوان الكلمة ومعناه بيناقش الموضوع ده بس اللى معطلنى انى لسه مقررتش المدونة بتاعتى نظبفة ولا وسخة وبنت كلب.. اصلها تفرق قوى :-)
بس عموما انا بتكلم عليا على اعتبار انى بمثل قطاااااااااع واسع من الشباب التعبانين وبقول بعلو صوتى... كفاااااية... حراااااام
مش عنى اننا تعبانيين اننا مش عارفين نصاحب.لأ فى صحوبية بس مش عارفين نعمل كده من جوانا ولا حتى عارفين نتجوز
وعلى فكرة.. تحذير هام فحت.. انا مش هفضل كده على طول مش هستنى العمر يعدى على راى الحاجة .. يعنى الانفجار قريب جدا
تابع مدونتى يمكن اوصل لقرار وانشر البوست الوسخ ابن الكلب
لك تحياتى
Post a Comment