23 Dec 2008

معرض صور











قلبى جاليرى رسومات بالزيت، كل رسمه هى تتويج لعلاقه ...و كل علاقه و لها إطار يحيط باللوحه ، و انا فنان عنده إطارات كثيره... إطارات للصداقه وأخرى للزماله و ثالثه للأخوه و إطار واحد فارغ لحب حقيقى فى الحياه .


كل واحده عرفتها فى حياتى بيننا لوحه مشتركه رسمناها سويا بألوان كتيره، مثل اللون الأزرق لمكالمه حلوه و اللون الأحمر لتحدى لذيذ و جميل و لون أصفر لحضن أخوى فى لحظه أشتياق و لون أخضر لشغل عملناه سويا و لون أبيض للحظات أعتراف على الأم أس إن


كل لوحه بعد ما نرسمها سويا أبدأ أدور لها على إطار يتلائم معها ، أول حاجه أُجربها هو الأطار الوحيد للحب الحقيقى ، أراه أيتناسب مع اللوحه أم لا يتناسب، هل يقدر أن يغطى على ثقوب الأطارات اللى فاتت و يحتويها، هل يشمل اللوحه كلها و أم سيمحى منها جزء مهم من الرسمه ، ساعات كثيره اترك رسومات من غير إطارات خالص، أستمتع بتجربه الاطارات مره تلو الأخرى ، بلا أدنى ذرة من الخداع و فى حالات كثيره أضع إطارات الصداقه كتتويج للوحه جميله من اللحظات و المشاعر.


انا أرى كل إطار كحاله فى حد ذاتها غير متكررة ... يعنى صداقتى مع أميره لا يمكن تكون هى صداقتى مع ديمه رغم إن الأثنين صداقه، و لكن كل واحده منهم لها الوان مختلفه اترسمت بها اللوحه معاهم و حتى لو وجدت التى ارسم معاها لوحه الحب الحقيقى .... أكيد لن أنسى اللوحات الثانيه التى رسمتها.


الغرض ... انا لست إلا صاحب إطار فارغ أبحث عمن تملأه بأبتسامتها ، و ساعتها سأرسم لها بالوان الربيع فرحه تركى للسجائر ... و غسيل الصحون سوياً ... و إنشغالى بأسعادها ... و ساحرص على إستدامه بريق الإطار.

18 comments:

Anonymous said...

جامدة اوى التدوينة دى يا بهظوظ

أنا معاك فى ان فى علاقات بتبقى ملهاش اطار محدد يناسبها و يفضل تتساب كده... لوحة بلا اطار

Anonymous said...

مش عارف انت بتكتب لوج ولا بتوصل رسالى لحد
عامة اتمنى انها تكون التانية.
فكرة الاطارات فكرة رائعة لان فيها تحديد كامل للعلاقات او اللوحات اللى جواها بس فى نفس الوقت فيه حاجات مش ممكن تتحط فى اطارات لان جمالها فى حريتها وانطلاقها زى الفراشة.
ربنا يا ااخويا يرزقك بالاطار اللى يريحك ويبطلك سجاير ويظبطلك حياتك.
اليكس اجندة

Anonymous said...

جامدة جدا التدوينة يا احمد
بجد فنان


shokry mannaa

Anonymous said...

nice one brother i like it it's a whole theory that pushed me to think about many things.but the most important thing is my personal art gallery and how tiny or strong are my frames?! i discovered that most of my paintings are without frame, i prefer to leave it open !

The Brown Houri said...

جامدة موووت يا بهظ,,,الواحد كتير بيسأل يا تري إحنا اللي بنحط الإطارات اللي الناس بتشوفنا بيها...ولا الناس هى اللي بتحطها لينا بعيونهم

يعنى بمعنى أخر، هى الناس بتشوفنا بيعوننا اللي بنشوف بيها نفسنا فى المراية كل يوم الصبح ونظام حسب طعم قهوة الصبح بوش ولا من غير

Anonymous said...

اللوحة والأطار!!ـ

لا تنسى يا رفيق ان المبالغة في العناية بالأطار هو غالباً للتورية وإخفاء رداءة اللوحة. الموناليزا لن ينتقص من قيمتها لو أحيطت بإطار ثمنه ربع جنيه، فالقيمة قيمة اللوحة. وبالمقابل لو كانت اللوحة رديئة فلن يغطي رداءتها أثمن الإطارات

أقصد القول، هكذا علاقاتنا بمن نحب، إذا ركزنا بالشكل وبتأطير العلاقة على حساب العلاقة نفسها ، فالثمن حتماً هو اطار خارجي براق مقابل تعاسة داخلية

Bahz.Baih said...

أحمد سعيد
الوحات اللى من غير إطارات هى الاجمل فى حياتى يا سيدى الفاضل

أحمد عصمت
هو فى الأول كنت بكتب علشان اوصل رساله لحد ... بس لقيتها هتخبط فى كتير و ممكن افقد بسببها لوحات حلوه كتير بتأطيرها ... على العموم ... هى كده احسن فى وجهه نظرى

شكرى
ربنا يكرمك يا ريس و يعللى مراكبك و يرسمك حلو فى كل اللوحات

Sarah
you know why your name is not mentioned here.. because you are one of the most amazing painting in my Galary that have no frame.

أميره
مبدئيا مش فاهم حاجه ... بس يعنى علشان انا عارفك ... أقدر أقولك ...إن فى لوحات و ناس الواحد بيبقى عايز يحطلهم مش إطار واحد .. لا بيفضل يحط ليهم إطار ورا التانى بيلاقيهم كلهم لايقين و مبيبقاش عارف يعمل ايه بالرسمه اللى فى ايده ... و ده حالى معاكى

أحمد الهنداوى
يا باشا منكم نستفيد ... انا من ساعه ما سمعتها منك و انا مهمدتش غير لما كتبتها ... لك الفضل فى صياغه البدايات الأولى للنظريه ... و لك بجد بجد أخوتى .. محبتى ... إعتزازى

Bahz.Baih said...

أحمد سعيد
لوحتنا خضرا زتونى فيها شمس صفرا و أرضيه مكتوب عليها جوجل و شويه حاجات تانيه ... لوحتنا لسه بتترسم بالوان متناغمه .. إطارها بسيط و مكتوب عليه توأم سيامى

أحمد عصمت
لوحتنا فيها الوان كتير قوى ياحمد .. بس مرسوم فيها ضحكه كبيره و سنه دهبى و تحت الرسمه في شويه رسومات جانبيه مش باقى منها غير الوان مميزه ... و إطارها فيكتورى كثير النقوش

هيثم شكرى
مش عارف اوصف يا باشا ... بس لسه اللوحه بيضا و من غير إطار ... بس مرسوم على جنب فيها كده خسايه خضرا و ده فى حد ذاته بدايه مشجعه

ساره زعيمى
اللوحه زى ما قلتمن غير إطار و مرسوم فيها طرق كتير بتفد على بعض و مكتوب عليها 1401 ليه مش عارف ... يمكن انت تعرفى ... و من تحت فى إمضاء بحروف
HK

أميره صبيح
لوحتنا طبعا زرقا فى برتقانى خفيف و خلفيه بيضا و أحلام مشتركه و شمعه على جنب .... فيها لحظه اشتياق و شويه اسرار مشتركه منها الرجالى و منها كتير نسائى... مش عارف اوصف و اقولك ايه ... بس المهم ليها إطار متين و كبير ... و بيقول انا هنا بتحدى الزمن

أحمد الهنداوى
لوحتنا مرايه كل واحد فيها شايف حته منه فى التانى ... فى خلفيات كتير بتروح و بتيجى ... بس الاتنين فاضلين

Rosa said...

ايه الرومانسية دي كلها؟؟!! يا سيدي خالص أمانينا بإنك تلاقي بنت الحلال اللي تملأ البرواز الفاضي :)

moustapha achraf said...

عجبانى المدونة بتاعتك دة راى علشان بتحكى على حاجات بتحصل فى الأسكندرية وانا من الأسكندرية واصلا انا اسمى اسامة الساكت علشان مش بعلق عند حد و بعدين قولت منا لازم اعرف الى كتب البوست دة راى
معاك انا فى الى بتقولة and i care about your opinion in my blog

محمود محمد حسن said...

باشا حد قالك انك مبدع قبل كده ؟؟!! طيب على فكرة انت مبدع ، وكاتب كويس اوي ،

والبوست ده روعة ، ولمسني اوي ، واحد زيك عنده اطار فاضي ، ومش لاقي حد يملاه ، وعلى رأي منير ، حد عايز إطار فاضي إطار طيب إطار هادي،

تحياتي وعام جديد سعيد عليك

Anonymous said...

Bahz ya sadeeqi....i'm so happy to see this in publish as i have personally (and i have the honour) to witniss it's birth in alex ba3d 7allet il 2ahwa ili sharabtaha fee makannen ma :) hmmm.....your article is more than inspiring....the frames thing...the colours thing& the way your ideas flow in such a harmonic way :) i have always thought of how a great friend you are...a wonderful story teller companian...or a true Alexandria's lover that share his love for the place,the people or even the air that you breath in such a tender city...i really do not care what colour or frame that you give me , either it's blue , yellow or green...as they might all mix 2gether in a random way 2 give u a final white colour in the end(which is similar to the frameless thing that you have already mentioned which symbolizes freedom that i like a lot;)i am happy that we at least share a colour or an experience of loving the same place..you know what?you give me a positive energy whenever telling me a nice story that you have experienced or even came to your mind fm the fantasy world :)
thanx fr being a true&a tender friend...
and hey....thanx fr putting the photo that i have suggested to you :)

Dima !

Bahz.Baih said...

أم هاجر
إزاى هاجر بالمناسبه ... عامله ايه دلوقتى و بقت كام سنه .... ياستى الرومانسيه دى شئ فى طبعى ... و على العموم لو عندك بنت الحلال رشحيها و ربنا يسهل

أسامه اشرف - الساكت فى أقوال أخرى
ساكت ليه يا اسامه ... متخللى الناس تسمع صوتك و تعرفك ... انا هقولك رأيى لو هو همك قوى كده عندك و شكرا لمرورك و متبعتك

محمود محمد حسن
و الله يا باشا قالولى قبل كده ... بس محدش قالها بالصدق ده ... شكرا بجد و يارب يكون عجبك البوست و يارب يرزقنا انا و انت و نبطل شحاته كده علنا على البلوجات

ديمه
مش عارف أقولك ايه يا ست الكل ... يا أجمل اردسكندرانى عرفته فى حياتى ... يا ست الكل صحبتك ممتعه لأى حد نتيجه لكونك انت بس زى مانت .... و الدليل إن
إنت فى إسكندريه

Rosa said...

بهظ بيه:
هاجر الحمد لله كويسة و هتتم سنتين يوم 7 يناير الجاي (انت شكلك ما زرتش المدونة عندي بقالك فترة).

بالنسبة يقى لبنت الحلال، للأسف أنا معنديش حد أرشحه لك دلوقتي و بيني و بينك أنا ضدد حكاية الترشيح دي بحس انه الواحد أحسن يلاقي نصيبه بنفسه و لا إيه رأيك؟

و بناءاً عليه لا أملك إلا اني أدعي لك ربنا يوقعك في بنت الحلال و يا ريت نشوفك قريب إن شاء الله

Bahz.Baih said...

Om Hagar

كل سنه و هاجر طيبه و ربنا يخليهالكم ... و شكرا على الدعوه

The Brown Houri said...

على فكرة أنا لما بكون مضايقة او زهقانة وأحب أفتكر حد كويس وايام جميلة وأوقات خناق وحاجات كتير وفى نفس الوقت عايزة افرح بقرا النوت دى وعلى فكرة يا أستاذ فين سعتك بقالى فترة كل ما أكلمك تليفونك خارج نطاق الخدمة...إنت عامل ايه...وشكراص تانى وتالت على النوت الحلوة لأنها بجد حلوة أوى ...تحس إنها بتتكلم على كل حد فينا ...كتير بحسها بتاعتى أنا مش بتاعتك
:P :P

نون said...

:)

thebest said...

أفضل شركة تنظيف بالدمام


شركة ضهوة بالدمام لتنظيف المنازل وتنظيف الفلل والشقق وتنظيف المؤسسات والمكاتب والشركات العملاقة – وتنظيف السجاد والموكيت وتنظيف المفروشات وجلي البلاط وتنظيف المجالس العربية الأصيلة وتنظيف الأنتريهات الأمريكيـة بالبخار وتنظيف الخزانات بأفضل الأسعار بالإضافة مع التجفيف والتعطير والتطهير

إتصل بنا الآ،

تنظيف شقق
تنظيف فلل
تنظيف مؤسسات
تنظيف واجهات
تنظيف عمائر
تنظيف واجهات حجرية
تنظيف سجاد
تنظيف موكيت
تنظيف كنب
تنظيف مجالس
تنظيف مفروشات
تنظيف بالبخار
تنظيف خزانات
تنظيف بلاط
جلي بلاط
جلي رخام


شركة تنظيف منازل بالدمام
شركة تنظيف مجالس بالدمام
شركة تنظيف موكيت بالدمام
شركة جلي بلاط بالدمام

جميع خدمات التنظيف مع التجفيف والتعقيم والتطهير والتعطير بأفضل المنظفات وأجودها في العالم بأسعار مناسبة للجميع – شركة ضهوة للخدمات

#تنظيف #شركة_تنظيف #الدمام #شركات_التنظيف #تنظيف_كنب #تنظيف_سجاد #تنظيف_مجالس #تنظيف_موكيت