2 Feb 2007

تدبسه ...نوبة صراحه

فى نوبه صراحه عارف أننى هندم عليها بعد كده قررت أننى أرد على التدبيسه دى , فى محاوله لأصلاح ما تبقى من برستيجى بعد ما جار عليه الزمن ، يلا تابعوا معايا ردود التدبيسه
اية اللي حيحصل لايميلك لما تموت ؟
بصراحه مش عارف أصل مش من الحاجات اللى تتورث حسب الشرع و ماعتقدش أن العلماء بحثوا أمره فطبيعى ياهوو و جيميل و هوت ميل هتورث أيميلاتى... ثم أيه أصله ده .. أيه السؤال الغبى ده
اديت لباس وورد لحد قبل كده؟
يووه كتير بس دايما كنت بغيرها بعد كده
لو اه كانت طبيعةعلاقتك بيه اية؟
دايما بيبقى صديق أو زميل شغل
اسمك؟
أحمد يسرى محمد أحمد
اسم الدلع المشهور في وسط اصحابك؟
فى أسماء كتير, أولها فى ثانويه عامه كان أسمى شرموط هولمز, ثم فى أعدادى و أولى كليه بقى أسمى بقلظ و لما كبرت سمونى بهظ و بقى ده الاسم الرسمى و فى بقى دلع لبهظ بازوكا , باهابيظو . بهظتى , بهوظ , بهيظ فى بقى وصف لأفعالى " أفعال بهظيه" فلما حد و مش لازم انا يعمل حاجه بهظيه يبقى قلدنى
عمرك؟
بما أنك هتقرا البوست ده بعد كده فعمرى هيتغير , فمن الافضل أقولك تاريخ ميلادى و بالمره تبقى تفتكر و تجيب هديه " 8 فبراير 1981
برجك؟
الدلو يا أستاذ.... الدلو الدلو الدلو و الراجل الدلو يحب الدلو
مجالك او مجال دراستك ؟
مجال عملى هو الجمعيات الاهليه من أداره برامج تنمويه و مشاريع غير هادفة للربح أما مجال دراستى فهو الهندسة المدنى و دى انا مش طايقها أصل مش قادر أتصور فكرة أننى بعد عمر طويل كل اللى عملته فى الدنيا هو شوية مبانى
شخصيتك نوعها اية؟
انا على طبيعتى " وده زى مانا شايف نفسى" بمعنى لو طقت فى دماغى حاجه بعمله ... طيب لدرجه العبط ... الا هو مش عيب حد يتكلم عن شخصيته أصل عمره ما هيبقى صادق .... فيا حته كده خبث فلاحين بس و الله بعبط مقفوش ... بس بيجيب سكه مع أبويا
السفر بالنسبة لك؟
و الله السؤال ده صعب انا نفسى أسافر بس علشان أرجع تانى ... ممكن أسافر علشان أتعلم بس الاصل أن انا أفضل هنا
المود بتاعك؟
دلوقتى و لا أمتى ... فى العموم انا مش فارقه معايا ... بس مثلا فى مواسم للأكتئاب زى مواسم الامتحنات و دخول الشتا و أول الخريف و أخر الربيع و مع تصريحات الحكومه المستفزه و مع طلوع النتيجه و بس لكن فى العادى مبسوط و منشكح
وقت فراغك بتعمل فيه اية؟
هو فين وقت الفراغ ده ... هو تقريبا يا ببلوج يا بقرا قصه .. أحيانا بلعب جولف " صراحه بقى و انا مش هتكسف" يأما بهوبس على الفوتوشوب
الاكلة المفضلة؟
الحواوشى و البسله بالجزر و الشاورما
الصفات اللي خدتها من بابا؟
ماعرفش بس هو كومبنيشن من الفهلوه على الفشل
الصفات اللي خدتها من ماما؟
الطيبه المبالغ فيها و حمل كلام الناس عى الصدق دايما

اكتر 6 حاجات بتكرهها؟
الكدب رغم ان انا بكدب
الجبن " الحمد لله مش جبان قوى"
التسلط
الظلم
العند
السبانخ

اكتر 6 حاجات بتحبها؟
صحابى حسن و عيسوى و كريم و بلال و بدرى و مودى و شيكو
القعده الحلوه
البلوج
الجمعية
البنات
الشاورما
الشغل بالنسبة لك؟
هدف فى حياتى عايز أحققه عايز شغلى يبقى هو الحاجه اللى بحبها

اية الكومبيوتر والانترنت بالنسبة لك؟
حاج زى أى حاجه بفرغ فيها طاقه

عايزيني امرر التاج دلوقتي لحد
بدرى و اللى عايز

8 comments:

دودو said...

صراحة اجاباتك بتفسر حاجات جميلة ..
لكن لفت انتباهى حاجة غريبة
سورى يعنى
اول مرة اشوف اسم البنات مدرج تحت قائمة حاجات بيحبها الولد!!
يعنى بعيدا عن الجو الاسرى معلوماتى بتقول ان الولاد بتفضل تكره البنات قبل مايحبوا وبعد مايحبوا برضة (علشان يعمروا مع الى بيحبوهم) وبعد اى تجربة فاشلة ...امتى بأى يحبوهم؟ :)
ياترى دى صفة طيبة من الصفات الى ورثتلك ؟
ولا طريقة (بهظية) لجزب الانتباه؟؟؟؟

cat_eyes(همس الليل) said...

بجد شكرا ليك على انك اكلت التدبيسه ههههههههه
لا بس كان نفسى اعرف عنك بشكل خبيث هههههههههه
ملقتش حل الا انى ابعتلك التاج دا اللى انا كمان اتبعتلى
بس بجد اجاباتك جميله وصريحه اوى
واضح بجد ان طيب اوى وشخصيه جواها طيبه ورقه بدليل شغلك فى الجمعيات الاهليه
بجد جميل انى اتعرفت علي عن قرب فى نوبه الصراحه دى

Epitaph said...

:)

صباح الفل
يا بهظ بيه

انا قريت اجابات كتير للتاج ده
بس ده اكتر واحدة عجبني لغاية دلوقتي
عشان بجد صراحتك و بساطتك


صباح الروقان

we2am said...

sya7aaaaaa :D

Bahz Baih said...

دودو
يا ستى دى طريقة لجذب الانتباة بشكل فلاحينى
بس ما يمنعش انها كانت صريحه أصل لغاية أمتى هيبقى اللى بنقوله غير اللى بنعملة

همس الليل
ها أنفع بقى...؟
;)

أسعدتمونا و نرجو ان نكون قد أسعدناكم؟

وئام
مش فاهم الصراحه

cat_eyes(همس الليل) said...

ههههههههه
تنفع من زمان
واحلى حاجه عجبتنى فيك
مممممممم
ممممممممم
انك مبتحبش السبانخ هههههههه
اهلا بيك يا دلو

مش أنا said...

احييك على تلك الشجاعة

Anonymous said...

نرجو ان نكون قد اسعد ناكو