كان الكلام زمان عندى زى الحريم المتداريه, فى بيت قديم ورا شباك بمشربيه و ماكنتش عارف ألاقى
سكه أفضى بيها الطاقة ديه , كنت فاكر إن مواهبى الأدبيه ... حاجه كده زى عجين المهلبيه , و إن ماليش فى حرفة الكتابة ديه... لغاية ما ظهرلى اللى ما يتسمى و دلنى على سكه تانيه ... صفحه حقيره فى سايت مستخبيه... يقرالى فيها تلات تلاف و ميه
كان التدوين بالنسبه لى زى هوايه ملكٌية... مفيش حد بيمارسها و يطلع نص لبه مقليه و علشان الكلام كان جميل, كانت صورة البنى أدمين فى دماغى قال أية ألهة رومانية...يأما شيطان يا ملاك يا بنت حورية...و لما أبتديت أعرفهم بشكل شخصى لقيت كل واحد منهم فى سكة تانية, اللى ماكنتش طايق بلوجه بقى صديق ميه ميه و اللى ماكنتش قادر أبصله من الهاله اللى رسمتهاله طلع بنى أدم ... أى والله بنى أدم, مش ملاك و لا بنت حوريه
فقعدت أفكر ... هو التدوين أيه غير بلكونه فاتحها على روحك... يأما أنت مجملها علشان الناس و الله أعلم باللى فى النيه... يأما هى منشر علشان روحك تبقى نطيفة و مكويه
مبقتش عارف أحب أو أكره شخصيه أفتراضيه , ياخى أم التكنولوجيا على أم فناطيس العولميه
ياريت ياللى مانتاش عارف شخصيتى الحقيقيه...قوللى...بلكونتى فيها أيه؟... أصل مرايتى مطفيه!!!؟
كان التدوين بالنسبه لى زى هوايه ملكٌية... مفيش حد بيمارسها و يطلع نص لبه مقليه و علشان الكلام كان جميل, كانت صورة البنى أدمين فى دماغى قال أية ألهة رومانية...يأما شيطان يا ملاك يا بنت حورية...و لما أبتديت أعرفهم بشكل شخصى لقيت كل واحد منهم فى سكة تانية, اللى ماكنتش طايق بلوجه بقى صديق ميه ميه و اللى ماكنتش قادر أبصله من الهاله اللى رسمتهاله طلع بنى أدم ... أى والله بنى أدم, مش ملاك و لا بنت حوريه
فقعدت أفكر ... هو التدوين أيه غير بلكونه فاتحها على روحك... يأما أنت مجملها علشان الناس و الله أعلم باللى فى النيه... يأما هى منشر علشان روحك تبقى نطيفة و مكويه
مبقتش عارف أحب أو أكره شخصيه أفتراضيه , ياخى أم التكنولوجيا على أم فناطيس العولميه
ياريت ياللى مانتاش عارف شخصيتى الحقيقيه...قوللى...بلكونتى فيها أيه؟... أصل مرايتى مطفيه!!!؟
14 comments:
ببساطه كده فيها انت بجد بجد بجد
انت الحقيقى من غير الاخرون
نياهههااااانيهههههههههها
معلش اصل كان من زمان نفسى اكون اول واحد يعلق عندك وه طلبت كده
سيكومولوجى
وصفت الوضع و الحالة ببساطة جميلة
الكتابة الصادقة شرفة تطل على الروح
والكلمة المكتوبة بحبر الصدق تشق طريقها بسهولة إلى زوايا القلب وحنايا الروح
تعجبني تلك البساطة التي تلتزم بها موضوعك الأخير دفعني لقراءة موضوعات سابقة لك
تأكد لي فعلاً أن شرفتك تطل على روح شفيفة وعقل أديب
محبتي
كلامك صحيح ... المدونة نافذة على الروح .... ورغم انك تتعرى فيها براحتك لكن البعض يحتفظ بسرية شخصيته كذلك ... ساعات الناس الحقيقين لايتناسبون مع مايكتبون
بلكونتك شبابيكها مفتوحة وقزازها متروق ... روح المدونة حلوة .... واعتقد ان داخلك كذلك
أول مرة اّجي هنا .. مش عارف المدونة دي كانت فين رغم اني متابع جيفارا وزرياب من زمان
تحياتي أيها المزجانجي المخضرم
سيكومولوجى
بطل يا عم القرع ده و بلاش حقيقى دى أصلها بتفكرنى بحد جمييييييل
أحمد
بصراحة كانت الشخصية الافتراضيه اللى أتراسمها لنفسك مش مريحانى بس زى مانا قولت فى البوست أعتقد أن شخصياتنا الحقيقيه ممكن تتلاقى فى نقط كتيير و نبقى أصحاب قوى و ده شئ انا أتمناه
ياسر
فى أنماط من التعليقات بتبقى الغرض منها أنك تزور البلوج بتاعه أو تفتح عنده و دى انا برد المجامله بمجامله بس فى تعليقات بتبقى عارف أن صاحبها ما بيديهاش الا للى يستحقها و الناس دول بالنسب الى مش كتيير علشان كده لما أشوف تعليق منهم حتى لو كان ريان يا فجل بفرح و أزقطط ... انت فى هذة القائمه و معالك عدد قليل منهم على سبيل المثال رحاب بسام اللى لما علقت عندى مش عايز أقولك أد أيه انا كنت فرحان فما بالك لما تقوللى أنك مش بس قريت البوست لا و قريت موضوعات قبل كده
شكرا قوى لجرعة السعاده اللى أديتهالى
فهرنهايت
مش عارف أقولك أيه ... أخجلتم تواضعنا
شوف يا سيدي..بلكونتك فيها شوية غسيل منشور و كام رزعة كده قربوا يدبلوا و كرة تنس جربانة محدش عارف بتاعة مين
بلكونتك يا سيدى بتطل على شخصية ميه ميه
بصرف النظر حقيقية و لا افتراضية
لان اللى انا فاهمه ان الافتراضية فى
الاسم ..مش فى الشخصية
و سيبك انت..لاملاك ولا شيطان و لا مهلبية
كلنا لينا اللى قدامنا..و الله اعلم بالنية
تعظيم سلم ليك يا بهظ
والف تحية
Still Breathing
شكراً على صراحتك.. و على رأى الشاعر
الصراحه راحه يا روحى و انت نا بتعرفش
هشام
ياسلام عليك يا أتشو لما توزن القافيه ولا طشه الملوخيه
يارب أشوفك مهندس أد الدنيا و تمسك وزير داخليه
على العموم التحيه وصلت و و جار تعليقها كشهادة فخريه
خليك على طبيعتك .. هوة دة المهم
جلابيه بيضه يا بهظ
:)
7elw awee el post da ya bahz
besara7a.. post meia meia
اتشرفت مدونتى بقدومك ونصايحك الغاليه يا بهظ بيه
ياريت ياللى مانتاش عارف شخصيتى الحقيقيه...قوللى...بلكونتى فيها أيه؟... أصل مرايتى مطفيه!!!؟
عجبنى جدا البوست واعتقد ان بلوكنتك جميله ومريحه وهادية .
اتمنى دايما زيارتك ونصايحك تتكرر
أتمني ان نتبنى جميعا كمدونين كلمه واحده بتاريخ واحد نحدد فيه رأينا للعالم اجمع
اتمني ان ندون مدونه واحد بتاريخ 27/07/2006
كلنا كمدونين نكرر عباره واحده
كلنا مع لبنان وفلسطين ضد اسرائيل والمحتلين
ولننشر كلماتنا القليله في جميع المنتديات والمواقع ليكون هذا اليوم يوم احتجاج
بالعربي بالانجليزي المهم نسمع صوتنا للعالم
وان لم نستطيع حمل السلاح فالنحمل الكلمه
وبأي لغة نستطيع نشرها
بالإنجليزية
We are with Lebanon and Palestine against Israel and occupiers
والفرنسية
Nous sommes avec tous le Liban et la Palestine contre l’Israel et les occupants
والألمانية
Wir sind zusammen mit dem Libanon und Palästina gegen Israel und Besatzer
والإسبانية
Somos todos con Líbano y Palestina contra Israel e inquilinos
والصينية
我们都是同黎巴嫩和巴勒斯坦对以色列占领者
واليابانية
私達はイスラエル共和国および占有者に対してレバノンおよ
びパレスチナとのすべてである
تحياتي للجميع
معلش يا عم بهظ تعيش و تاكل غيرها !!
مرايتك يا عم الحج فيها واحد محترم ... وحياة ربنا.
أكتر من توقعاتي كمان
Post a Comment