28 Dec 2008

كلمه السر ... الزعبلاوى



المغنى : منه يا منه
كورس: هيجوزوكى
المغنى: منه يا منه
الكورس: الزعبلاوى
المغنى : منه يا منه
الكورس: عنده مكرونه

على هذه الأغنيه الشعبيه فى أفراح أهالى الأسكندريه بدأت رحلتى انا و احمد نصر بحثاً عن الزعبلاوى ... كنت أشعر انا و هو أن سكندريتنا ناقصه بدون معرفه الزعبلاوى ... فكل الأصدقاء من الكبير للصغير .. الذين قضوا طفولتهم او شرخ شبابهم او كهولتهم فى محرم بيك او بحرى يعرفون الزعبلاوى ... و كنا نشعر بالعار لجهلنا بالزعبلاوى ... من يكون هذا الزعبلاوى المشهور للغايه.

بدأت الرحله بأتصال بصديق عزيز مشهور بسكندريته ... هل تعرف الزعبلاوى ... أنكر أى سابق معرفه به ... و وبخنا للصق تهمه الزعبلاويه بالأنسان السكندرى المتحضر ... فما كان منّا إلا أن توجهنا بالسيارة تجاه محرم بيك و كلّنا أمل أن نجد من يدلنا .

بعد مرورنا بالكوبرى أبو عينين ( و هو الذى يعبر تحت قطار أبو قير واصلاً محرم بيك بالعالم الخارجى) توجهنا يساراً و سألنا أحد الماره ... "أخويا تعرف فين الزعبلاوى"

رد علينا: " يمين فى شمال هتلاقى الطريق الرئيسى ... هيقابلك الترام ... طوّل على طول ... و بعد كده إكسر شمال من عند كليه العلوم فى يمين تلاقى المبوله العامه ... شمال تخش على شارع إيزيس و قبل الأخر هتلاقى الزعبلاوى"

طبعاً و مما لا شك فيه ... إعتقدنا إن الراجل يضللنا الطريق ... لمعرفتنا أن السكندريين يكرهون فى القاهريين ( و حاشا لله أن نكون منهم) تضلليلهم للسكندريين عند ذهابهم الى القاهرة .. فبالتالى إتبعنا الأرشادات لمده شارع و بدأنا فى السؤال هناك مره أخرى.

للمرة الثانيه نفس الوصف بالتفصيل الممل ... و هنا كان لابد أن نثق بعض الشئ فى نفوس البشر السكندريين ...فأكملنا المسير حتى إشعار أخر ... و عند عبورنا الترام سألنا شخص أخر فأدلى بالوصف ذاته بالتفصيل أعلاه ... ثم سالنا رابعا ... و إتفق مع بنى جنسه ... و كان القوم قد تم تلقينهم فى نعومه أظافرهم مكان الزعبلاوى ... فقررنا لإشباع فضولنا سؤال شخص خامس ... فأكد لنا نظريتنا.

إن الزعبلاوى هذا هو برج إيفل فى محرم بيك ... و جلدنا أنفسنا لجهلنا بأحد أهم معالم الأسكندريه ...!!!

المهم وصلنا فى شارع إيزيس ... للعلم الشارع لا يزيد عرضه عن مترين و بالكاد تسير به سيارتان ... و فجأه نرى محل صغير لا يتجاوز الثلاث أمتار طولاَ و المترين عرضا و عليه يافطه أكبر منّه مكتوب عليها الزعبلاوى ... لم أصدق عيناى .. أهذا هو المحل الذى يعرفه أهالى محرم بيك و بحرى بالكامل ...للعلم منذ بدايه سؤالنا عن الطريق و حتى لحظه الوصول الى الزعبلاوى سرنا حوالى 6 كيلومترات و قطعناها فى حوالى نصف الساعه نتيجه للزحام ... !!!

المحل المعجزه يبيع المكرونه و الكشرى و حقاً لا أرى سبب واحد منطقى يجعله بهذه الشهرة ... لدرجه إنك تلاقيه موجود على الويكيمابيا هنــــا

المهم انا عملت بعدها إختبار سكندريه لصحابى ... و وجدت إن السكندرى بجد هو الذى يعرف الزعبلاوى و المدعى هو من يجهله ..لذا وجب التنبيه

15 comments:

خمسة فضفضة said...

السلام عليكم ورحمة الله وبركاته

هههههههههههههه

طيب ما واضحه اهي زي الشمس مش بيقولك منه يا منه عنده مكرونه

يعني المفروض تكون عارفها لوحدك مش كده

:)))

خمسة فضفضة said...

اه نسيت اقولك انك اكيد عارف ان الويكيمابيا اي حد ممكن يضيف ليها اي موقع هو يحبه ان شالله حتي يحدد مكان المبوله العامه اللي قبل الزعبلاوي

Bahz.Baih said...

خمسه فضفضه
طبعا كنت عارف ان عنده مكرونه .. ايه فاكرانى اطرش ... بس انت لو شفتى المحل لا يمكن يبقى بالشهرة دى ... ده محل معفن جداً .... جداً يعنى...المكرونه بتاعته كمان مش حلوه

ثم مين قاللك ... ده انا اللى عملت تاج للمبوله دى
:D

Anonymous said...

feeh so2al beyetra7 nafso delwa2ti ya bahz:
howa el za3balawy 3ando delivery?

Bahz.Baih said...

ahmed saeed

howa tab3aan 3andoh .. nemret el telphone 28977.... kalemoh ba2a

Anonymous said...

now i understanded the meaning of tht strange call:
bahz:do u know elza3balawy?
Me:of course,who don't?
Bahz:why?
me:he is very famous.
bahz:thx ,bye
click

i said elwad da magnoun wala eh,za3balway eh elly yklemny 3ashnohmdah ma7l ma3fen.aked elwad dah etganen.
bas eshta ya man
a.esmat

Bahz.Baih said...

ahmed Esmat
أكتب بالعربى يا حيوان
و بعدين منتظر ايه ... نحب فى بعض على التليفون ... هى كلمه و رد غطاها

Foxology said...

طب كويس انه طلع واحد مشهور للدرجة دى والواحد مننا ياما يشوف ويتعلم

تحياتى :)

Alexandrian far away said...

أزيك يا بهظ يا أبني؟
أنا قلت أجي اشقر عليك واشوف اخبارك ايه؟
بقى معقول ماكنتش تعرف الزعبلاوي؟
وبتعتبر نفسك أسكندراني ؟!!!!
الغريبه أنه لسه موجود
طيب أديلك معلمين كام معلم من معالم الإسكندريه التي لا تقل قيمة عن الزعبلاوي
1- عم السيد مية نار بتاع الفلافل
2- سيد صواريخ بتاع السندوتشات
3- قهوة أنح

تحياتي

اسكندراني في الغربة said...

مع اني مش من سكان محرم بيك
بس اعرف الزعبلاوي وانا عندي 8 سنين
واعتبرت نفسي وصلت متأخر كمان
واضم صوتي لصوت اسكندراني فار اوي
في انك لو متعرفش سيد صواريخ و قهوة انح يبقا محتاج تقدم على الجنسية الاسكندرانية من جديد
:))
تعرف جبل نعسة؟؟؟

Bahz.Baih said...

Foxolofy
laa dah tele3 7aga tanya 7'ales 3'ear ma enta momken tetsawar

Alexandrian Far Away
ya3ny ana tab3an a3raf sayed saware7' we kaman a3raf 3anoh shewayet aster madaeya ... zay mawdo3 el otta elly we23et fe gardal el te7ena .. fa tala3ha we 3asarha we kamel tany
ana belnesba le Ana7 we 3am sayed fa ya reat ay tafasel 3alashan aro7 lehom

eskandarany fe el 3'orba
ana fe3lan me7tag agaded ta2demy llel genseya men tany

Unknown said...

انت عارف كويس ان المفروض لا اعلق عندك ولا حتى اعبرك وانت عارف ليه
لكن التدوينة فكرتنى باللذى مضى فقررت اعلق من غير تعليق

أسما عواد said...

باهظ
مدونتك جميلة
ودمها خفيف
هضيفها عندى واتابعها على طول

اسماعيل محمد said...

مندهش بثقافتكم السكندرية علما بأني من أهل الإسكندرية
ولكن عندي سؤال الآن يطرح نفسه الآن

من هو الشنكحاوي ؟
لإننا نقول أحيانا الشنكحاوي والزعبلاوي

Shaker said...

بهظ بيه
مرحبا بك فى محرم بيه .. و هنيئا لك مكرونة الزعبلاوى
انا شايفك بتسال على قهوة أنح
بص يا سيدى انته تروح بحرى و تعدى القلعة كانك رايح على راس التين .. اكيد عارف جيلاتى مكرم .. جنبه على طول حتلاقى قهوة أنح و فى وشها على طووووول قهوة عرفة .. الاتنين كل واحدة فيهم واخدة ناصية شارع .. على فكرة لو خرمت شوية من هناك .. بمعنى اصح لو اخدت الشارع الى القهوتين على اوله و مشيت فيه لغاية اخره .. حتلاقى نفسك عند سيد صواريخ ... اطلبلى اتنين فول بالسدق بالقشطة و 2 سكلانس .. و قول لجمعة الحساب عند شاكر .. :D

بالنسبة بقه لبقية معالم الاكل فى الاسكندرية .. لازم تكون اكلت عند جيمى .. او عند عبده تلوث فى العطارين .. فعلا لازم تروح تجرب عبده تلوث .. و لو عايز الوصفة اسالنى و انا ادلك

ايوة كده يا راجل لازم تقوى سكندريتك


على فكرة احنا اتقابلنا قبل كده فى ال SDA مع خيرى و ابو شقرة

اشوفك على خير يا بيه