فى تانى حلقاتنا فى برنامج تنمية على الهوا , خلينى يا حسن أكمل معاك موضوع التنمية ، أية هو بقى موضوع التنمية المستدامه, يص يا سيدى و صلُى علُى يشفع فيك ... طلع المصطلح ده فى أوائل التمانينات و كات بيعبر عن التنمية فى المجالات البيئيه، بمعنى أنك تاخد بالك من البيئه علشان الاجيال اللى جايه و حقها فى حياه نظيفه.. مش بتاعت حكومه نظيف ... و بعد كده أتطور علشان يشمل نواحى متعدده بنفس المفهوم ... و هو تنمية موارد الحاضر بدون الطغيان على حق الاجيال المستقبليه فى التنمية، و هتلاقى الكلام ده مشروح بالتفصيل الممل فى الموقع ده و هو خلاصه المؤتمرات الدولية اللى ليها علاقه بالتنمية المستدامه و اللى أخرها أهداف الألفية الأنمائيه
المهم بدون شرح كتير التنمية المستدامه ليها ثلاث شعب أساسيه ... أو مجالات عمل أساسيه لو مالكش فى الفصحى.. الأول هو الأجتماعى و التانى بيئى و الأخير أقتصادى ... و متفرع منهم محاور كتيرر
كل ده علشان الحفاظ على حق الشباب و الاجيال القادمه فى مستقبل أفضل ... يمكن علشان كده بقى ده علم المستقبل ... فى فروع علم الاجتماع و التنمية الدوليه
فى المجال الاجتماعى .. تيجى برامج التعليم ... الفن و الثقافه ... المساواه بين الجنسين فى التعليم و العمل و الخ ... حقوق الأنسان ... و فى برامج كتير مصر لتطبيق ده .. أهمها برنامج الشباب الأورومتوسطى و ده ناتج من إعلان برشلونه اللى أجتمع فيها وزراء الخارجية دول شمال أفريقيا و البحر المتوسط و أوروبا فى برشلونه و مضوا أتفاقيه للتعاون بينهم فى نواحى كتير منهم أقرب مثل متعرفهوش هو تطوير ترعه المحمودية و اللى متموله بتمويل أورومتوسطى , تانى أهم برنامج و هو برنامج مؤسسه فورد للتعليم و الثقافه , و ده برنامج أمريكى لتمويل العمل الثقافى فى دول العالم, على سبيل المثال مركز الجيزويت الثقافى متمول منه و مؤسسه المورد الثقافى كمان.
اما بقى المجال التانى و هو التنمية الأقتصادية فجواها مواضيع كتير مهمه لبلدنا بالذات .. أولها حركات القضاء على الفقر زى حمله القضاء على الفقر و مواضيع عماله الشباب زى قمه عماله الشباب و شبكه عماله الشباب و أخيراً و أهمها فى رأى هى مشاريع الأقراض متناهى الصغر زى اللى بتعمله جمعية رجال أعمال الأسكندرية ... بس دى بالذات ليها عندى رساله مخصوصه ليك يا حسن.
أما المحور التالت فهو المحور البيئى ... و ده أهمهم بالنسبه للتنمية المستدامه... فى تمويل كبير للمشاريع البيئيه بس مصر للأسف فيها نقص فى الخبراء فى مجال الحفاظ على البيئه طبعاً بأستثناء الدكتور أسماعيل سراج الدين مدير مكتبه الأسكندريه الحالى و نائب مدير البنك الدولى لشئون البيئه سابقا
هو أساسا مجال عايز إلمام بالعلوم الهندسيه و الأجتماعية علشان تعرف تصمم مشروع كويس... غير أنُه على أخر أهتمامتنا كمصريين نتيجه لقله وعينا بأهمية البيئه فبنعتبرها رفاهية ... رغم أنها مش بس بتأثر علينا .. الأكاده أنها بتأثر على العالم كله... خلينى أديك مثال واضح ... مشكله الطاقه تعتبر أهم مشكلات التنمية البيئيه المستدامه ،من دعم للطاقه المتجدده على حساب الطاقه الناتجه عن أستخراج الوقود الأحفورى – حلو الكلام المجعلز ده- المقصود البترول ... فى مصر حسب تقرير التنمية البشريه لعام 2005 البترول هيخلص فى مصر كمان 23 سنه و أحنا لسه مأخدناش اللازم و بنصدر تقريبا كل مخزونا و الغاز الطبيعى كمان أربعين سنه... تخيل معايا الحياه بدون عربيه أو بوتجاز غاز أو مولدات الكهربا و خلافه... فمصر إن ماكانتش تتخذ أجرائات سريعه هترجع للعصر الحجرى و الكلام حرفياً
فى بقى حاجات تانية زى السيطره على التقلبات المناخية و ثقب الأوزون و مشكله المياه و منع إنتشار الأسلحه النووية ، الحفاظ على المحميات الطبيعية ، معالجه المخلفات الصلبه ... و لسته طويله مالهاش أخر
تعالى نربط أعمق كده بين ده و واقع حياتنا فى مصر ... بص ياسيدى البلد ملهية فى دوامه الأصلاح السياسى و الاخوان و الحكومه و كفاية ... بس حد فكر بعد كده هيحصل أيه ... يعنى لو الريس لبسته روح عمر بن عبد العزيز بكره الصبح ... هيعمل أيه... هنا بقى يجى دور المجتمع المدنى أنه ينزل الشارع من غير ما يخاف من حد يشده علشان بيعمل أحصاء مثلا... أنه يسد الفجوه بين اللى المفروض يتعمل و الغلط المتساب... هنا دوره فى تدعيم المؤسسات...وده مش معناه أننا نتخلى عن النضال السياسى ، بس نخلينا واعيين لمشاكل العالم .. زى عمنا عمرو غربيه ... حقوق انسان تلاقى... بيئة تلاقى ... متطوع فى جرين بيس تلاقى
وجهه نظرى أن علشان أى إصلاح يحصل فى البلد اننا نهتم و ننضم لمؤسسات المجتمع المدنى و نبتدى نشارك بجديه علشان نحس بالمسئوليه لما نعمل حاجه غلط و نحس بقى إن أم البلد دى بتاعتنا مش عزبه أبو أمه
يلا سلام
http://www.un.org/esa/sustdev/index.html
http://www.un.org/arabic/millenniumgoals/
http://www.un.org/esa/sustdev/sdissues/sdissues.htm
http://ec.europa.eu/youth/priorities/euromed_en.html
http://ec.europa.eu/comm/external_relations/euromed/bd.htm
http://www.fordfound.org/
http://www.ceremedjesuits.com/index.php
http://www.mawred.org/
http://www.makepovertyhistory.org/
http://www.yesweb.org/
http://www.ilo.org/public/english/employment/strat/yen/
http://www.aba.org.eg/arabic/ABOUT-ABA-projects.htm#1
http://www.serageldin.com/
http://www.nrel.gov/learning/re_basics.html
http://hdr.undp.org/reports/detail_reports.cfm?view=1014
http://gharbeia.net/
المهم بدون شرح كتير التنمية المستدامه ليها ثلاث شعب أساسيه ... أو مجالات عمل أساسيه لو مالكش فى الفصحى.. الأول هو الأجتماعى و التانى بيئى و الأخير أقتصادى ... و متفرع منهم محاور كتيرر
كل ده علشان الحفاظ على حق الشباب و الاجيال القادمه فى مستقبل أفضل ... يمكن علشان كده بقى ده علم المستقبل ... فى فروع علم الاجتماع و التنمية الدوليه
فى المجال الاجتماعى .. تيجى برامج التعليم ... الفن و الثقافه ... المساواه بين الجنسين فى التعليم و العمل و الخ ... حقوق الأنسان ... و فى برامج كتير مصر لتطبيق ده .. أهمها برنامج الشباب الأورومتوسطى و ده ناتج من إعلان برشلونه اللى أجتمع فيها وزراء الخارجية دول شمال أفريقيا و البحر المتوسط و أوروبا فى برشلونه و مضوا أتفاقيه للتعاون بينهم فى نواحى كتير منهم أقرب مثل متعرفهوش هو تطوير ترعه المحمودية و اللى متموله بتمويل أورومتوسطى , تانى أهم برنامج و هو برنامج مؤسسه فورد للتعليم و الثقافه , و ده برنامج أمريكى لتمويل العمل الثقافى فى دول العالم, على سبيل المثال مركز الجيزويت الثقافى متمول منه و مؤسسه المورد الثقافى كمان.
اما بقى المجال التانى و هو التنمية الأقتصادية فجواها مواضيع كتير مهمه لبلدنا بالذات .. أولها حركات القضاء على الفقر زى حمله القضاء على الفقر و مواضيع عماله الشباب زى قمه عماله الشباب و شبكه عماله الشباب و أخيراً و أهمها فى رأى هى مشاريع الأقراض متناهى الصغر زى اللى بتعمله جمعية رجال أعمال الأسكندرية ... بس دى بالذات ليها عندى رساله مخصوصه ليك يا حسن.
أما المحور التالت فهو المحور البيئى ... و ده أهمهم بالنسبه للتنمية المستدامه... فى تمويل كبير للمشاريع البيئيه بس مصر للأسف فيها نقص فى الخبراء فى مجال الحفاظ على البيئه طبعاً بأستثناء الدكتور أسماعيل سراج الدين مدير مكتبه الأسكندريه الحالى و نائب مدير البنك الدولى لشئون البيئه سابقا
هو أساسا مجال عايز إلمام بالعلوم الهندسيه و الأجتماعية علشان تعرف تصمم مشروع كويس... غير أنُه على أخر أهتمامتنا كمصريين نتيجه لقله وعينا بأهمية البيئه فبنعتبرها رفاهية ... رغم أنها مش بس بتأثر علينا .. الأكاده أنها بتأثر على العالم كله... خلينى أديك مثال واضح ... مشكله الطاقه تعتبر أهم مشكلات التنمية البيئيه المستدامه ،من دعم للطاقه المتجدده على حساب الطاقه الناتجه عن أستخراج الوقود الأحفورى – حلو الكلام المجعلز ده- المقصود البترول ... فى مصر حسب تقرير التنمية البشريه لعام 2005 البترول هيخلص فى مصر كمان 23 سنه و أحنا لسه مأخدناش اللازم و بنصدر تقريبا كل مخزونا و الغاز الطبيعى كمان أربعين سنه... تخيل معايا الحياه بدون عربيه أو بوتجاز غاز أو مولدات الكهربا و خلافه... فمصر إن ماكانتش تتخذ أجرائات سريعه هترجع للعصر الحجرى و الكلام حرفياً
فى بقى حاجات تانية زى السيطره على التقلبات المناخية و ثقب الأوزون و مشكله المياه و منع إنتشار الأسلحه النووية ، الحفاظ على المحميات الطبيعية ، معالجه المخلفات الصلبه ... و لسته طويله مالهاش أخر
تعالى نربط أعمق كده بين ده و واقع حياتنا فى مصر ... بص ياسيدى البلد ملهية فى دوامه الأصلاح السياسى و الاخوان و الحكومه و كفاية ... بس حد فكر بعد كده هيحصل أيه ... يعنى لو الريس لبسته روح عمر بن عبد العزيز بكره الصبح ... هيعمل أيه... هنا بقى يجى دور المجتمع المدنى أنه ينزل الشارع من غير ما يخاف من حد يشده علشان بيعمل أحصاء مثلا... أنه يسد الفجوه بين اللى المفروض يتعمل و الغلط المتساب... هنا دوره فى تدعيم المؤسسات...وده مش معناه أننا نتخلى عن النضال السياسى ، بس نخلينا واعيين لمشاكل العالم .. زى عمنا عمرو غربيه ... حقوق انسان تلاقى... بيئة تلاقى ... متطوع فى جرين بيس تلاقى
وجهه نظرى أن علشان أى إصلاح يحصل فى البلد اننا نهتم و ننضم لمؤسسات المجتمع المدنى و نبتدى نشارك بجديه علشان نحس بالمسئوليه لما نعمل حاجه غلط و نحس بقى إن أم البلد دى بتاعتنا مش عزبه أبو أمه
يلا سلام
http://www.un.org/esa/sustdev/index.html
http://www.un.org/arabic/millenniumgoals/
http://www.un.org/esa/sustdev/sdissues/sdissues.htm
http://ec.europa.eu/youth/priorities/euromed_en.html
http://ec.europa.eu/comm/external_relations/euromed/bd.htm
http://www.fordfound.org/
http://www.ceremedjesuits.com/index.php
http://www.mawred.org/
http://www.makepovertyhistory.org/
http://www.yesweb.org/
http://www.ilo.org/public/english/employment/strat/yen/
http://www.aba.org.eg/arabic/ABOUT-ABA-projects.htm#1
http://www.serageldin.com/
http://www.nrel.gov/learning/re_basics.html
http://hdr.undp.org/reports/detail_reports.cfm?view=1014
http://gharbeia.net/
7 comments:
لا سادة ولا منقوش
بهظ بيقول اللى ما تعرفوش
المرة اللى فاتت شكرت حسن. دلوقتى لازم اشكرك على المعلومات دى ومستنى باقى الكلام مع حسن بيه الله يخليه.
مهم جدا أن الناس تعرف الحاجات دي، حتى لو مش هتشتغل في التنمية، لأنه بيسهل النقاش. أشكرك على أنك بتكتب في أساسيات التنمية.
مهم جدا كمان الناس تفهم أن التنمية و التقدم ما فيهمش أولويات بالمعنى المطلق. يعني ما ينفعش *كلنا* نتجاهل قضية الفقر و نركز فقط على الإصلاح السياسي، أو نتجاهل البيئة و نركز على التنمية الاقتصادية؛ و نقول بعد ما نبقى أغنياء نبقى نراعي بيئتنا، و بالتأكيد ما فيش حاجة اسمها نأجل الإصلاح السياسي على أساس أننا لما نبقى نقضي على إسرائيل كل حاجة هتتظبط.
و بالتأكيد كمان أن أولويات أي فرد أو جماعة لا يجوز استعمالها كمثبط و معيق و مانع لهمم الأافراد و الجماعات التي تهتم بمجالات أخرى.
كل المسارات لازم تُتَّبع في وقت واحد، و التنمية لازم تكون متوازية. مش لازم كل فرد و مؤسسة يعملوا كل حاجة؛ أبدا؛ كل مجموعة ممكن تركز على جزء. بس لازم الحكومة تسيب الناس تشتغل، و يقتصر دورها على تنظيم الساحة من بعيد و فض الاشتباكات، مش احتكار العمل.
نفس الحاجة في المجالات داخل النطاق الواحد، بيئة المدينة مش أهم من بيئة الريف يعني على أساس أن الريف أخضر و فيه زرع.
الحقوق كمان ما فيهاش أولويات و حقوق الأقليات مهمة زي حقوق الاغلبية. و ما ينفعش نقول لما الأغلبية تبقى تاخد حقوقها من أمريكا تبقى الأقلية تتكلم.
أرجو أني لم أطل عليك و أني لم أخرج عن الموضوع قوي.
العزيز أحمد غربيه
اللى انت بتقوله فى صميم الموضوع تماما
بس انا مختلف و متفق معاك فى نفس الوقت
هو مفيش أولويه فى أحتعياجات المجتمع فى العموم زى مانت بتقول ماينفع الاقليه تاخد حقوقها بعد الاغلبيه
بس فى بالنسبه لكل مؤسسه حسب رؤيتها اولويات و ده مهم فى عمليه بذل الجهد ... مثلا فى ناس شايفه ان مدخل دوله الرفاهه هو تحقيق حقوق الانسان
فىحين ناس تانيه شايفاه فى التعليم و ناس تالته شايفاه فى الفقر
يبقى التغلب على المشكلات دى كلها فى صالح المجتمع بس كل ولحد بيحدد من وجهه نظره الاولويه و يبتدى يشتغل... حتى يحب اللى يعمله
شكرا
لا أبدا ما احناش مختلفين. أنا كمان أقول ان كل فرد و مؤسسة من حقها (واجبها) تحدد أولوياتها.
أتكلم عن ال يقول لك سيب ال أنت بتعمله لأن فيه غيره أهم.
irreverent,iconoclastic,eclectic e liberty
http://telamamaria.blogspot.com
in Catalonia - Spain
thank
أولا بعتذر انى بكتب كومنت من غير ما أقرأ البوست كله .... بس لفت نظرى جدا موضوع البيئة علشان كنت بدور من فترة على اى مؤسسة لحماية البيئة هنا فى مصر ... فبعتذر لحضرتك انى مش بعلق على البوست و انى بسألك على أى مؤسسة لحماية البيئة ممكن اشترك فيها ... شكرا جدا لحضرتك
هند
انا بعتذر انى برد متأخر
بصى فى جمعيات كتير فى مصر بس مش فعاله قوى
بس اقدر اوصلك بناس مهتمه بالبيئه خاصه فى جرين بيس
لو بي تبعتيللى ايميل و هكونيكتيك بيهم
تحياتى
Post a Comment