انا عايز أكتب عن أيه يا بلال ؟ ماتستغربش كده ... انا عايز أكتب عن أيه؟... بهظ أنت عايز تكتب عن الملل
بس دى فكره ممله قوى أنك تكتب عن الملل و الحاجات اللى ملياك و مش مخلياك تعرف تعبر
بص انا هتكلم عن بدرى
بسم الله الرحمن الرحيم
بدرى فى ترتيب الاصدقاء اللى عملوا ساين أن فى حياتى هو أجدد واحد أشترك فى الخدمه ... بس البروفايل بتاعه عندى ليه أكبر عدد من الهيتس اليوميه
هو كده عامل زى شغله ... سيستيماتيك زى الويندوز سريع زى البنتيم فور منطقى التسلسل زى البيزك
طبعا اللى مش عارف زمانه عرف ... بدرى بيشتغل فى الكمبيوتر ... طبعا هو مش بالسذاجه اللى تخليه يشتغل فى الصيانه و الشبكات ... لا هو بجد إبهار بيعمل حاجه مش موجوده فى مصر ... بيعمل تطوير للمؤسسات ... يعنى يشوف المؤسسه و يدرسها و يقوم مشقلبها على حد تعبيره و ياعينى ماحدش فى مصر فاهم طبيعه اللى هو شغال فيه و السوق لسه مش مستوعبه ... بس انا واثق أنه هيوصل فى يوم للى هو عايزه علشان الواد ده دماغه ناشفه
بس سيبنا من بدرى الفنان و خلينا فى بدرى الأنسان... بدرى درس فى الأزهر و أشتغل و هو فى تالته أعدادى و نزل السوق بس فضل مع ده طيب زى الفطير ... سخن زيه ... متلاقيهوش قاعد على بعضه فى مكان الا لما يدرس المكان ده يتشقلب أزاى و يوصل لنتيجه ...غير كده يفضل يغلى فى أفكار و يعصر دماغه لغايه لما يوصل
بدرى جالى أسكندريه يقعد معايا شويه بيحاول يفتح لنفسه سوق فى أسكندريه ... أصل هو قاعد أصلا فى جحيم الله على أرضه المسمى حلوان... المهم انا عملت اللى عليا و أخدته التجاريه و تقريبا دى كانت غلطتى ... أصله مش بتاع أنك تقعده فى مكان و زى ماتيجى... لأ لازم تحطله خطط منطقيه و ترسمله فلو تشارت أحنا هنقعد فى التجاريه تلاته و خمسين دقيقه و نطلع نتمشى على البحر لمده 15 دقيقه هناقش فيها وضع تكنولوجيا المعلومات فى العالم الثالث بين النظريه و التطبيق... و بالتالى كل الفنانين اللى هو قابلهم على التجاريه مكانوش كونفيجر معاه ... سموه ذهنى... و واكل دماغه بالافكار
و صادف فى الايام اللى بدرى قاعدها معايا فى الاسكندريه أن عيد ميلادى يكون وسطيها... يوميها أحنا انا و بدرى و بلال و أنطونيو قررنا اننا هننزل السينما ... قشطه انا نزلت و رحت التجاريه أقابل ناس و هما ولاد الخبيثه حبوا يعملوا عيد ميلاد مفاجى ليا ... المهم انا أكلمهم يا جماعه مش هنروح السينما يلا بينا انا مستنيكو فى التجاريه و بدرى راسه و الف سيف لازم أرجع ميامى أخده و نروح مع بعض... طبعا هو عايزنى أجى علشان عيد الميلاد و انا و لافاهم... المهم انا ضيعت الوقت مع رشاد فى التجاريه و رجعت انا و هو على البيت علشان نهزء العيال ولاد الكئيبه دولا على أنهم مانزلوش و طلعنا البيت الساعه أتناشر و خمس دقايق لقيت بدرى نايم و بلال و أنطونيو فى السايبر كلمتهم يطلعوا و بحاول أصحى بدرى و هو مش راضى يرد عليا ... طبعا انا أتنرفزت عليه .. أنتوا عيال صغيره لازم أجى أخدكم و هو مابيردش لغايه ماطلع أنطونيو بالتورته و هنا أنفجر بدرى فى وشى .... يامعفن أحنا كنا عاملينك عيد ميلاد و انا نظفت البيت علشان لما تيجى تنبسط و انت أصلا معفن ... و انا أحاول أتأسف بس مفيش بدرى هنج عليا و لقيته مطلع ليا أجنده صغيره و قاللى خد مع أنك ماتستاهلش ... الجزمه جابلى هديه و أحرجنى
و صادف فى الايام اللى بدرى قاعدها معايا فى الاسكندريه أن عيد ميلادى يكون وسطيها... يوميها أحنا انا و بدرى و بلال و أنطونيو قررنا اننا هننزل السينما ... قشطه انا نزلت و رحت التجاريه أقابل ناس و هما ولاد الخبيثه حبوا يعملوا عيد ميلاد مفاجى ليا ... المهم انا أكلمهم يا جماعه مش هنروح السينما يلا بينا انا مستنيكو فى التجاريه و بدرى راسه و الف سيف لازم أرجع ميامى أخده و نروح مع بعض... طبعا هو عايزنى أجى علشان عيد الميلاد و انا و لافاهم... المهم انا ضيعت الوقت مع رشاد فى التجاريه و رجعت انا و هو على البيت علشان نهزء العيال ولاد الكئيبه دولا على أنهم مانزلوش و طلعنا البيت الساعه أتناشر و خمس دقايق لقيت بدرى نايم و بلال و أنطونيو فى السايبر كلمتهم يطلعوا و بحاول أصحى بدرى و هو مش راضى يرد عليا ... طبعا انا أتنرفزت عليه .. أنتوا عيال صغيره لازم أجى أخدكم و هو مابيردش لغايه ماطلع أنطونيو بالتورته و هنا أنفجر بدرى فى وشى .... يامعفن أحنا كنا عاملينك عيد ميلاد و انا نظفت البيت علشان لما تيجى تنبسط و انت أصلا معفن ... و انا أحاول أتأسف بس مفيش بدرى هنج عليا و لقيته مطلع ليا أجنده صغيره و قاللى خد مع أنك ماتستاهلش ... الجزمه جابلى هديه و أحرجنى
بدرى بقاله حوالى شهرين قاعد معانا ... ماليانين تفاصيل و حكايات بس برضه لسه مش كفايه لسه مشبعتش منُه... بس هو عايز يمشى خلاص علشان يشوف مستقبله فى حته تانيه... ربنا يوفقه ... بس المهم أن اللحظة دى من عمر الزمن اللى هو قضاها معانا و قضيناها معاه غيرت فينا و غيرت فيه متتنسيش... الكنبه الحمرا و أغصان الزيتون المحروقه و كورس البحث العلمى و المشاريع العملاقه و سندوتشات الفلاح و المغامرات مع عم سعد و الست الامريكيه اللى تحتنا و الحمام اللى من غير سخان.... كل ده يفضل عندنا ذكرى لايام هباب عدت و يارتها ترجع تانى
مع السلامه يا بدرى
مع السلامه يا بدرى
-----------------------------
تحديث
يبدو أن خلو بيتنا من القلل هيخلينا نكسر الكابينيه اللى لسه فاكينه فى محاوله يائسه لأنهاء الصراع الدائر فى ساحه الكومنتات
9 comments:
بهظ انا هش عارف اشكرك ولا اهزئك على اللى انت كاتبه
بس فى الغالب هناكل سمك مشوى بكره قبل ما امشى، وهنتصور على البحر انا وانت وبلال وانطونيو.
وهفضل فاكر ان فى اسكندرية بحر بحبه واعز صديق ليا بهظ
ايه البخل ده؟؟؟؟؟
هو ده بس الى هان عليك تكتبه؟؟
متهيألى تحليلك حلو اووووووووى لكنه ناقص حاجات كتير اوى اوى
_____
مرسي كتيييييييييييييييييير يابهظ
و الله صحيح القرد فى عين أمه غزال
هتخلينا نغلط فى الوله و هو مسافر
بصى أكتر من كده مش عايز أتكلم خللى البوست زى البوم الصور شايل اللحظات الحلوه فى الحياه بش أحنا مدركين أن فى لحظات فى النص مهببه بستين نيله هى الجسر اللى بتخلينا نوصل للحظات الحلوه
على العموم عفوا
حتى هذه اللحظه فبدري طابق فوق بهظ وبيقتله على بوسته
وده ضد حريه التعبير عن بدرى
وانا باشوف ان استشهاد بهظوظ بمثل القرد استشهاد فنى بحت
وقال ايه بدرى مش عاجبه القرد
الاهم هو دفاع بهظوظ عن نفسه
الواد قمر يا جماعه بيقوله لا
لالالا
متنكرش ان البوست عجبك
انسانى
بوست انسانى
وخد عنوانى
مراسلكم
بيبو
من امام المسخرة
غلطات املائية وحروف ضايعة وبايظة وقولنا ماشى
تتريق عليا فى مدونته وقولنا مافيش مشكلة
لكن سب وقذف علنى وعلى ميييييييييييييييييييين؟؟؟؟؟؟؟؟؟؟
شكلها اسكندرية حاتتفجر بكره
على فكرة الى انا واثقة منه انك تعرف بدرى لدرجة انك عارف ان حتى تعليقى قليل عليه :))
يا جماعه اى محاوله من بدرى انه يفضحنى لانه هددنى
محاولات بائسه لانه ماقدرش يتشطر ع البوست فبيتشطر ع الكومنت
اكرر واناشد
بهظ لديه الكثير عن بدرى
وبيفكر يقبل عرض بنشر شربات
قصدى نشر مذكراته عن بدرى
بدرى
اوعا يجيلك بدرى
بيبو
من قلب الحدث
تريدوننى فى الممر.. حسنأ
إنى قادم إليكم فى الممر بين ملفاتى
ولن يشرق شمس يوم جديد إلا وعلى المدونة أعمال بلال وبهظ
وعلى رأئى اللى قال
اللى بيته من زجاج ما يقلعش هودمة فى الصالون
لالالالالالا حراااااااام بدرى
دول مساكين بياكلوا كبده فاسدة
معلش انت الكبير
وعلى رأى الشاعر
كن كالنخيل ..... :)
آااااااااااااه وو يعني بدري بيشتغل نصاااااااب .. يا راجل قول كدة
:P
Post a Comment