18 Aug 2006

محاولة فاشله لكتابه بوست غامض

تنظر اليه بعيون تملأها النشوة، و تلتمع فى عينيها أحاسيس أمرأه محبه و تداعب يديه بطفوله يشوبها الشبق،
أجلس أراقبهما من بعيد و تمتزجنى المشاعر المختلفة، من نشوة لقاء الى أستنكار و محاولات لخداع النفس... الى قلق عارم

أتمنى أختفائهما و أخاف عليهما من الذئب، أرى الذئب يقف هناك متربصاً يلعق أنيابه و يسيل زبده، و يتدخل بكل براءه يُطالب بدوره فى المرح... انا لا ازال متفرج...و هو فاقد الاهتمام... ربما لا يثق بذاته... ربما لا يثق بها... هو فيما هو فيه من رفض و ثوره و... ترقب

يطلب الذئب مراقصتها.. تبتعد و تتوجه اليه بسهام النظرات... الذئب يتابع و انا أراقب... و يتمنع هو و لا تجد كرامتها إلا الإستسلام لأنياب الذئب

و هنا تـأتى فراشه و ورائها ذئب لا يخاف من الفراشات فيراقص الدب الفراشه و تخلو الساحه الضيقه... و يسقط من الدب الايقاع و تمر لحظه صمت... فأبادر بالحركة و أنتزع الفراشة أنتزاعاً... و لكن انتزاع نشوة ... و هنا يبدأ اللحن و تبدأ الرقصات الشبقيه و تزداد شاعريتها مع الألام المتصاعده و تتبعثر الأضواء و تتشنج الحركات و تدوى الموسيقى البنفسجية فى أحضان رقصه دمويه

أغلق عيناى جيداً و أحاول الأحتفاظ بالمشهد و أرانى أسبح وسط كرات بيضاء ضخمه و طريه... أشعر بالأحتواء و تمر الفراشه سريعاً و يسبح هو مبتعداً و يسقط الذئب لأسفل و يعلو الدب لأعلى و تبتعد هى و أطير انا...و القى نظرة أخيره خلفى لأجدهم صرعى...التفت الى أعلى و أكمل الصعود
--------------------------------
ده كان حلم مش فاهم منه حاجه يا جدعان

11 comments:

ماشى الطريق said...

ممكن أطلب منك طلب يا بهظ يا خويا
انا بحبك جداً فى كتابتك البسيطة و اللى بتوصل على طول من غير كلكعة
لكن حتبتدى تكتب بقى عن الكور الضخمة الطريمة والكلام ده
بأمانة حازعل منك
أنا أسف جداً مش قصدى إنى أحجُر على كتابتك
إكتب اللى إنت عايزه انا بس عايز أقولك إن حلاوتك لما بتكتب كلام بسيط وسِلس من غير كلكعة ولا تشبيهات غريبة

Bahz.Baih said...

انت يا عم ماشى مش هتبطل تلعب فى دماغى لما قولتلى أغير أسلوب الكتابه و مافضلش أكتب بأسلوب البهظ بتاع الفيلم سمعت الكلام و طلع صح...المهم انا بجد حلمت بحلم بس ماينفعش كان انى أفسر فقصدت الغموض انا كتبت البوست كده فى نص الليل و نمت تانى و لما قمت عجبنى
لكن يا سيدى بجد شكراً على النصيحه و رحم الله أمرأ أهدى الى عيوبى

Bahz.Baih said...

أه بالمناسبه انت مش لوحدك اللى عندك أكتئاب بس معتقدش أننى ممكن أكمًل كتابه بسيطه و انا فى الحاله دى

دانا يا راجل يوميها كنت بكلم نفسى و انا نايم و حالتى كانت بالبلا

بس انا بقيت أستريح بالكتابه و بقى البلوج بجد حاجه بتخللينى أفضى كتير من اللى محبوس جوا

بجد يا ماشى شكراً

ماشى الطريق said...

ماكانش قصدى والله أضايقك يا بهظ يا خويا يا أحد ضحايا مشالى ومن معه
بس بأمانة أنا عادةً مبحبش التشبيهات الغريبة والكلام المش مفهوم
بالرغم من إنى عارفة إن فيه ناس أسلوب كتابتها بيبقى غريب شويةبالنسبالى ومبفهمش هما عايزين أيه من اللى كاتبينه بس الناس دى طالما حاسة ومصدقة الكلام اللى بتكتبه
يبقى العيب أكيد منى
وحيث إنك حاسس الكلام اللى إنت كاتبه و إن البلوج ده مكانك المفضل للفضفضة والبهججة
فتقبل إعتذارى على لعبى المستمر فى دماغك

islamventura said...

الذئب دائما خيانة
و الدب غبى او ساذج
الفراشة دائما ليونة و رشاقة و رقة
انت متفرج فهو شىء لا يخصك

انت ترى ضرر لشخص حولك و بين الوقوف صامتا و بين الزود عنه اما من غباء الدب او من مكر الذئب

Bahz.Baih said...

يا ماشى يا خويا
أحب أوضح حاجه لعبك المستمر فى دماغى جميل ( زى خدمه)على دماغى من فوق لأنه زى بوصله للى بكتبه لو كان حلو بفرح و لو كان وحش بحاول أصلحه علشان كده انا عايزك تنتقدنى دايما

بس انت بس عارف ليه علشان انت موضوعى مش بتكسر المراكب الواقفه (هى الواقفه و لا السايره)المهم انا عايزك تفضل كده معايا على طول...جمييييل

و بقولك انا لسه نفسى أعمل أبراهيم و ياسمين فيلم تسجيلى...أعمل البوست ده فيلم صغنن..فكر كده و ربنا يسهل

change destiny said...

خير اللهم اجعله خير

الفراشة دي عبارة عن الاضطرابات النفسية والسلوكية عند الانسان الناشئة عن خطا فى عمل الدماغ

و الدب دة كبت عاطفي ناتج عن أمراض القلق اللامنطقي مم يؤدي الى خلل في توازن الناقلات العصبية

و الديب دة يا أخويا بقى شعور بالذنب نتيجة للاحساس بخرق ضوابط اجتماعية او دينية

و الكورة الضخمة دي عوامل خارجية مش في المنهج

و القطر الضلمة ... لأدة حلمي أنا

سلام عليكم

و متقلقش انت زي الفل

wanna b a bride said...

عروستي؟

soosa el-mafroosa said...

انا رأيي يا باشا تغير الصنف

بهججه ده شكلة بقه مضروب

مسااء الخييييييييير

Anonymous said...

الله ينور يا بهظ انا عجبتنى موت و انا بقولك سيبك من اللى الناس كاتبينه فى التعليقات بتاعتهم همه ليه يبتعاملو مع المواضيع على انها فوازير لازم يحلوها يرحوا يحلوا كلمات متقاطعه احسن و ما يقروش هنا الوست ده هايل و عاجبنى موت و موش محتاج اى شرح بس همه اللى مسطحين زى بتجاز ستى القديم انا ايمن فوزى اللى بشتغل جرافيك ديزينر فى اجندة الاسكندرية عند احمد عصمت و بقعد على التجاريه كتير و كل اصحابي يعرفوك بس انا بجد نفسي اشوفك

Anonymous said...

بوستك الجديد عن التجارية ماشدنيش كتير يمكن علشان مش اسكندرانية!!, لكن التعليقات الكتير عليه حسستنى انها مش لله فى لله اكيد كتاباتك السابقة شديدة ماكدبتش خبر وروحت قريت بوست الضوء فى أخر الماسورة وبينى وبينك ماكانش الاخير لانى غصب عنى اتشديت للباقى كله ومن كتر انبهارى باسلوبك ماعرفتش اعلق على اى منهم لحد ماجيت للبوست ده الى ما ابهرنيش بقدر ما اثار فضولى وحابة اقولك يمكن لانك كتبتة بغموض مش مفهوم وعلى حد توقعى لو رجعت الفراشة والذئب والدب لمسمياتهم الحقيقة فى حلمك يمكن افهم ..!

اووووووه نسيت اقول ان تعبير عايش منصور عنك صح مية فى المية (دماغك عالية)وعلى ما اعتقد يظهر ان "الخلية" كلها ادمغة عالية وربنا يستر :)