27 Apr 2006

مكرونه بالبصل لشخصين

لعمل طبق مكرونه بالبصل مطلوب الكثير من التركيز و الدموع ( لزوم البصل)...عزيزى المجروح فى الحب لعمل هذه الوصفه عليك بأحضار بصله كبيره و كيس مكرونه الجوهره و علبه صلصه هاينز, و هذا بافتراض تواجد مستلزمات المطبخ الاساسيه من وملح و فلفل و شطه و زيت و سمن الهانم

هذه الوصفه بعكس الكثير من الوصفات الاخرى تتطلب الذهاب الى صديق أنتيخ و يستحسن فى شقه صديق يكون اول حرف من أسمه أشرف

...أبدأ بغلى الماء مع رشه ملح و مقدار ملعقه زيت
و فى أنتظار الماء ليغلى لتدع صديقك يختار لك أغنيه على مزاجه لتحسين حالتك النفسيه , على سبيل المثال أغنيه يا حلو لمحمود عبد العزيز

يا حلو بانت لبتك
اول ما دابت اشرتك
تحرم عليا محبتك
و راح اتوب عن سكتك

الان لتبدا وحدك بالتعايش مع جو الاغنيه و تذكر كل الفرص الضائعه واللى مش ضائعه

خللى بالك الميه بتغلى ... أبدأ يلا بوضع المكرونه و ليقوم الصديق بالتقليب و قم انت بتقطيع البصل, و لتتذكر كل الهفلطه التى فعلتها و دع الباقى للبصل

القلب منك مليان جفا
و الصبر من قلبى اتنفا
و ضاع معاك كل الصفا
ضيعته بعندك يا قفا

و بعد أن تستوى المكرونه أجلس الان و بمساعده البصل أحزن فى صمت منتظرا المكرونه و ليقوم صديقك بتحمير البصل مع الصلصه و الكثير من الفلفل السود و الشطه و ذكره انه يكتر السمنه

وفى خضم احاسيس الغضب و الرغبه العارمه قى الانتقام ابدا الاكل بكل نهم الدنيا و بدون أن تدرك وجود حبتين الصراصير اللى حطهم صاحبك الأنتيخ

...أه يا قفا... أه يا قفا... أه يا قفا... أه يا قفا

و أبقى قابلنى لو أفتكرت بعد الطبق دة أى حاجه من اللى حصلت... و روح يابنى انت خلاص خفيت من الحب و أدمنت المكرونه بالبصل

بهظ

الاغنيه المصاحبه "يا حلو بانت لبتك" لمحمود عبد العزيز من فيلم الكيف
فكره البوست مستوحاه من بوست
ارز بللبن لشخصين من مدونه حواديت لرحاب بسام و اليها نتوجه بالشكر و التقدير

19 comments:

Polka Dotted said...

ya salam ya 3am bahz.. el 7agaren mn 3'erak wala yeswoo...
bas 2olee...fe3lan eli enta olto da law 3amalto b kol 7azafeero (bema fihom el o3'neia) 7aynaseeny ?!!
ana 7awelt today a3ml beid bel basterma.. bas manafa3sh :D

Bahz.Baih said...

بطابيط السكر
سمنك فى الاكل كتير...لا , طب قليل... برضه لا ... يبقى ناقصك شقه أشرف

AZ said...

ممممممممم والموضوع ده بيفضل بعديه حاجه من القولون سليمه؟؟؟؟؟؟

Anonymous said...

حلوة المعارضة الطبيخية دي!

Bahz.Baih said...

AZ
مش ده برضه احسن من الاعراض الجانبيه للحب

الف
يا سيدى شكرا و مرحبا بك دائما على الغدا فى غرزتنا المتواضعه

Unknown said...

eh ra2ek tktry el shta we el sraseeeer we tdelah lely wag3ek fe el 7ob we belsme el hary ..matra7 ma ysry yhryyyyyyyyyyyyyyyyyy...
;)))))

Bahz.Baih said...
This comment has been removed by a blog administrator.
Bahz.Baih said...

moia
you are a cold bloody killer... nice meeting you...but you have first to master doing pasta befor start using it as a wepon

Bahz

Polka Dotted said...

tab yenfa3 ay akla tanya 3'er el makarona 3shan el diet :D

Bahz.Baih said...

batabeet
you can use zeat crestal la2noh bey2alel el kolestrol and do basta de ta2therha bate3

Polka Dotted said...
This comment has been removed by a blog administrator.
Anonymous said...

بهاااااااااابيظوووووووووووو الو
الو
الو
انا قولت اعلق هنا عشان لو مشفتش التعليق الى تحت
وماتفهمش تحت ديه غلط انا قصدى تحت فى اخر المدونه معلش غلط عشان علاقتى بالكومبيوتر زى علاقتى باللغه الصينى
انظر تحت ومتفهمش غلط تانى
سيكومولجى

Bahz.Baih said...

سيكومولوجى
مش معثول كده امسكى نفسك من الضحك,انت فشتك عايمه كده ليه كل ده علشان عملت بلوج , , يا خرابى على الناس
تانى حاجه انا مابروحش عند اشرف اعمل مكرونه الناس هى اللى بتجيليى اعملهم المكرونه ماهو انا الصاحب الانتيخ
حد فاهم حاجه قشطه و على فكره قشطه سافرت

Alexandra said...

:)))
ووالله لو كنت قريت البوست ده قبل النهاردة كنت برضه ضحكت نفس الضحكة
;)

حـدوتـة said...

أنا طول عمري كان نفسي أعرف بيعملوا المكرونة بالبصل إزاي...متشكرين :)

Bahz.Baih said...

الكساندرا
مش المهم ضحكتى و استفدتى درس مجانى فى على عمايل المكرونه

انت ياللى بتمشى فى الضلمه
يا سيدى شكرا للغايه بس علشان تعرق احنا (اسكندرانى) البلوج بتاعنا حاصل على أفخم شهادات الجوده العالميخ لحقوق السنيه الفكريه

الاستاذه
نورتى الغرزه المتواضغه و الله لوكنت اعرف انك جايه كنت فرشت الارض خراتيت بمبى صغيره

Anonymous said...

كيوبيد للبيع .........كيوبيد للبيع
يعنى المكرونه ام صراصير اخف ولا قلبه الحريم.اشرب عشان تنسى ...تنسى ايه مش فاكر

Anonymous said...

بهظوظه يا حلوة بتعرف تعمل معكرونه اهو ايه بقى
كل سنه وانت طيب يا واد
بيبو

Unknown said...

من موقع باتيه وانتريه تعرفى على طريقة عمل اللازانيا فى المنزل بخطوات سهلة وبسيطة وبحشوات مختلفة